1. Die Departement van Basiese Onderwys (DBO) het Omsendbrief S10 van 2015 oor die inkrementele implementering van Mandaryns as 'n nie-amptelike taal vanaf 2016 tot 2018 uitgereik.
2. Die tweede addisionele taal vir graad 4 tot 9 sal as 'n addisionele vak beskou word wat nie vir die bevorderingsvereistes in ag geneem word nie, soos uiteengesit in paragraaf 14 van die Nasionale Beleid met betrekking tot die program- en bevorderingsvereistes van die Nasionale Kurrikulumverklaring Graad R-12.
3. Die aanbieding van Mandaryns in graad 4 tot 9 is verder 'n tweede addisionele taal buite die kontaktyd en word ook nie vir bevorderingsvereistes oorweeg nie. Opsionele tale mag slegs aangebied word indien die skool reelings vir die toekenning van bykomende tyd tot die toegekende 27.5 uur van die weeklikse onderrigtyd kan tref.
4. Die uitrol van Mandaryns sal soos volg inkrementeel in skole geimplementeer word: Graad 4 tot 9 en 10 sal in Januarie 2016 in skole geimplementeer word, gevolg deur graad 11 in 2017 en graad 12 in 2018.
5. Die implementering van 'n opsionele taal in die Intermediere Fase (graad 4-6) en die Senior Fase (graad 7-9) in openbare skole is onderhewig aan die goedkeuring van die Provinsiale Hoof van Onderwys.
6. Vir die Verdere Onderwys en Opleiding Fase (graad 10-12) kan 'n minimum van enige drie vakke in Groep B in Bylae B, Tabelle B1-B8 van die genoemde dokument, aangebied word, onderhewig aan paragrawe 28(5) en 28(6) van die Nasionale beleid met betrekking tot die program- en bevorderingsvereistes van die Nasionale Kurrikulumverklaring Graad R - 12. Van die minimum drie vereiste vakke kan 'n maksimum van twee bykomende tale, bo en behalwe die twee amptelike tale in subpargraaf (a) van beide tabelle A1 en B4 van die bogenoemde dokument, aangebied word.
7. Skole wat graag Mandaryns wil bekendstel, moet dieselfde proses gebruik soos aangedui in Omsendbrief 11 van 2010 - TOENAME OF VERMINDERING VAN DIE AANTAL GRADE OF VAKKE, OF VERANDERING VAN DIE TAAL VAN ONDERRIG (GRAAD R-12). Die sluitingsdatum vir aansoeke vir die inkrementele implementering van Mandaryns is tot 30 September 2015 verleng.
8. Die betrokke KABV-dokumente is beskikbaar op die DBO se webtuiste www.education.gov.za, onder CAPS, ter voorbereiding van die implementering.
9. Die kurrikulumminuut moet saamgelees word met die KABV-dokumente vir Mandaryns.
10. U word vriendelik versoek om die inhoud van hierdie Kurrikulumminuut onder die aandag van alle provinsiale en distriksamptenare, en prinsipale en onderwysers van beide openbare en onafhanklike skole te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:09:03