| VERWYSING: | 45086
14/10/1/2 |
 | | NAVRAE: | TJ Magwaca | TEL.: | 021 467 2626 | FAKS: | 021 467 9370 |
ASSESSERINGSBESTUURSMINUUT: 0005/2015 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE (HOOFKANTOOR EN ONDERWYSDISTRIKSKANTORE), ADJUNKDIREKTEURE, HOOFONDERWYSKUNDIGES, HOOFDE: KURRIKULUMKOÖRDINERING EN -ADVIES, KURRIKULUMADVISEURS, KRINGSPANBESTUURDERS, HOOFDE: IBB-KOÖRDINERING EN –ADVIES, ADJUNKHOOFONDERWYSKUNDIGES EN HOOFDE VAN INRIGTINGS WAT KANDIDATE VIR DIE NASIONALE SENIOR SERTIFIKAAT-EKSAMEN EN SENIOR SERTIFIKAAT-EKSAMEN VOORBEREI |
| AANSOEK OM AANSTELLING AS INTERNE MODERATORS, HOOFNASIENERS, ADJUNKHOOFNASIENERS EN NASIENERS VIR DIE NASIONALE SENIOR SERTIFIKAAT-EKSAMEN EN DIE SENIOR SERTIFIKAAT-EKSAMEN IN DIE VOLGENDE VAKKE MET BEVOEGDHEIDSTOETSE: REKENINGKUNDE, BESIGHEIDSTUDIES, VERBRUIKERSTUDIES, EKONOMIE, ENGELS HUISTAAL, GEOGRAFIE, GESKIEDENIS, LEWENSWETENSKAPPE, WISKUNDIGE GELETTERDHEID, WISKUNDE EN FISIESE WETENSKAPPE |
| 1. |
Aansoeke word ingewag van onderwysers, kurrikulumadviseurs en senior kurrikulumbeplanners wat aan die kriteria voldoen (soos gespesifiseer in Bylae A) vir betrekkings van interne moderators, hoofnasieners, adjunkhoofnasieners en nasieners vir die Nasionale Senior Sertifikaat (NSS)-eksamens van November 2015 tot November 2017 (insluitend die Februarie – Maart aanvullende eksamens tussen 2016 en 2018 [waar van toepassing]) en die Senior Sertifikaat (SS)-eksamens van Junie 2016 tot 2018. |
| 2. |
Die Wes-Kaap Onderwysdepartement (WKOD) sal in 2015 bevoegdheidstoetse in die volgende vakke administreer: Rekeningkunde, Besigheidstudies, Ekonomie, Engels Huistaal, Geografie, Geskiedenis, Lewenswetenskappe, Wiskunde, Fisiese Wetenskappe, Verbruikerstudies, en Wiskundige Geletterdheid. |
| 3. |
Slegs aansoekers wat 60% of meer in die bevoegdheidstoetse behaal, sal oorweeg word vir aanstelling as nasienerbeamptes. |
| 4. |
Aansoekers wat 'n bevoegdheidstoets in Rekeningkunde, Besigheidstudies, Ekonomie, Engels Huistaal, Geografie, Geskiedenis, Lewenswetenskappe, Wiskunde, Fisiese Wetenskappe, Verbruikerstudies en Wiskundige Geletterdheid in 2011, 2012, 2013 en/of 2014 afgele het en wat 'n slaagkoers van 60% of meer behaal het, hoef nie die bevoegdheidstoets vir hierdie vakke in 2015 te herhaal nie. Onderwysers word egter aangemoedig om die bevoegdheidstoetse te skryf indien hulle hul uitslae wil verbeter. |
| 5. |
Reelings vir die afle van die bevoegdheidstoetse |
| 5.1 |
Alles moontlik sal gedoen word om aansoekers by en lokaal binne die onderwysdistrik waar hulle gestasioneer is, te akkommodeer. Die lokale van die bevoegdheidstoetse sal binnekort aan elke individuele aansoeker oorgedra word. |
| 5.2 |
Die bevoegdheidstoetse sal gebaseer word op die kurrikulum vir die NSS-vak of vraestel, en die toepaslike nasienbevoegdheidsvaardighede vir daardie vak of vraestel. In die geval van Ekonomie en Geografie, sal aansoekers oor die kurrikuluminhoud van beide vraestel 1 en 2 geeksamineer word. In die geval van Engels Huistaal sal die aansoekers geeksamineer word oor die kurrikuluminhoud van vraestel 1, 2 en 3. |
| 5.3 |
Rooster vir die afle van die bevoegdheidstoetse:
| VAKKE |
DATUM |
TYD |
| Rekeningkunde en Wiskunde Vraestel 1 |
18/05/2015 |
14:30 – 16:30 |
Besigheidstudies, Geskiedenis Vraestel 1
Geografie Vraestel 1 en 2 (een vraestel) |
19/05/2015 |
14:30 – 17:00
14:30 – 17:00 |
Wiskundige Geletterdheid Vraestel 1
Geskiedenis Vraestel 2 |
20/05/2015 |
14:30 – 16:30
14:30 – 17:00 |
Fisiese Wetenskappe Vraestel 1 en
Lewenswetenskappe Vraestel 1 |
21/05/2015 |
14:30 – 17:00
14:30 – 16:30 |
Fisiese Wetenskappe Vraestel 2,
Lewenswetenskappe Vraestel 2 en
Wiskundige Geletterdheid Vraestel 2 |
25/05/2015 |
14:30 – 17:00
14:30 – 16:30
14:30 – 16:30 |
Verbruikerstudies
Wiskunde Vraestel 2 |
26/05/2015 |
14:30 – 17:00
14:30 – 16:30 |
Engels Huistaal Vraestel 1, 2 en 3 (een vraestel)
Ekonomie Vraestel 1 en 2 (een vraestel) |
27/05/2015 |
14:30 – 17:30
14:30 – 17:30 |
|
| 6. |
Voorlegging van aansoeke |
| 6.1 |
Alle aansoeke moet op die aangehegte aansoekvorm (Bylae B) voltooi word en moet van die volgende vergesel word:
- 'n Voltooide verklaringsvorm, 'n afskrif wat by hierdie minuut aangeheg is as Bylae C.
|
| 6.2 |
Alle nuwe aansoekers moet die volgende dokumente by hulle aansoekvorms aanheg:
- Curriculum vitae;
- Gewaarmerkte afskrif van identiteitsdokument;
- Gesertifiseerde afskrif(te) van akademiese studierekord(s);
- Gewaarmerkte afskrif(te) van kwalifikasiesertifikaat/-sertifikate.
|
| 6.3 |
Aansoeke moet by die volgende adres ingedien word:
Hoof: Onderwys
Vir aandag: Mnr M Cameron
Direktoraat: Eksamenadministrasie
Wes-Kaap Onderwysdepartement
4de Vloer, Grand Central Towers
Laer Parlementstraat
KAAPSTAD, 8001
|
| 6.4 |
Aansoeke moet die WKOD teen 17 April 2015 bereik. Indien u enige navrae het, kontak asseblief mnr M Cameron by tel. no. 021 467 2964. |
| 7. |
Suksesvolle aansoekers sal skriftelik van hulle aanstellings verwittig word en sal 'n kontrak met die WKOD moet sluit. Verdere korrespondensie aangaande die nasienproses sal dan volg. |
| 8. |
Die nasien van NSS-eksamenskrifte is een van die belangrikste funksies van die eksamineringsproses. Die WKOD is trots op die aanstelling van gekwalifiseerde en bevoegde nasieners. Prinsipale en ander senior beamptes wat nasieners aanbeveel moet dus in goedertrou optree. Let asseblief daarop dat die verskaffing van foutiewe inligting op die aansoekvorm beskou sal word as bedrog en daar sal ingevolge die Wet op die Indiensneming van Opvoeders opgetree word. |
| 9. |
Dit is uiters belangrik dat prinsipale, onderwysdistriksdirekteure, IBB-bestuurders en kurrikulumadviseurs die minuut onder die aandag van alle onderwysers bring sodat hulle vertroud is met die aanstellingskriteria voordat aansoeke ingedien word. Die Direktoraat: Assesseringsbestuur kan geen verantwoordelikheid aanvaar indien onderwysers nie van die inhoud van hierdie minuut ingelig word nie. |
| 10. |
Die WKOD maak staat op u samewerking en ondersteuning rakende hierdie belangrike saak. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:03:27
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
