Maak omsendbrief toe     Close this Minute     Byela emva

VERWYSING:  20151117-5362
14/28/2/1
NAVRAE:   JA PARBHOO    TEL.:   021 467 2572  FAKS:   021 467 9370

ASSESSERINGSBESTUURSMINUUT:  0022/2015


AAN:   

 ADJUNK-DIREKTEURS-GENERAAL, HOOFDIREKTEURE, DIREKTEURE (HOOFKANTOOR EN DISTRIKSKANTORE), HOOFONDERWYSKUNDIGES, HOOFDE: KURRIKULUMKOÖRDINERING EN -ADVIES, KRINGSPANBESTUURDERS, HOOFDE: IBB-KOÖRDINERING EN -ADVIES, IBB-BESTUURDERS, ADJUNKHOOFONDERWYSKUNDIGES, ASSESSERINGSKOÖRDINEERDERS, KURRIKULUMADVISEURS EN HOOFDE VAN INRIGTINGS WAT KANDIDATE VIR DIE NASIONALE SENIOR SERTIFIKAAT-EKSAMEN VOORBEREI


 

RIGLYNE VIR DIE IMPLEMENTERING VAN VORDERING IN GRAAD 10 EN 11


1. Kriteria vir implementering van vordering in graad 10 en 11
1.1 Die Regulasies op die Nasionale Senior Sertifikaat graad R tot 12 noem dat 'n leerder slegs een keer in die Verdere Onderwys- en Opleidingsband teruggehou mag word. Dit impliseer dat 'n leerder na die volgende graad mag vorder nadat hy/sy reeds die graad herhaal het, al het hy/sy nie die aan die bevorderingsvereistes vir graad 10 of 11 voldoen nie.
1.2 Tydens die vergadering van die Raad vir Onderwysministers (ROM) op 14 Augustus 2015 is aanbeveel dat kriteria ingestel moet word om met leerdervordering in graad 10 en 11 leiding te gee. DBO Omsendbrief E35 met 'n meegaande Riglyndokument is ontvang en aangeheg.
1.3 Om die proses duidelik te stel - leerders behoort net bevorder te word indien hulle aan die volgende kriteria voldoen:
1.3.1 Leerders moes versuim het om die bevorderingsvereistes van graad 10 of graad 11 na te kom en graad 10 of 11 herhaal het.
1.3.2 Die leerder moet 30% in minstens 4 vakke behaal, wat die Taal van Leer en Onderrig (TLO) van die skool moet insluit.
1.3.3 Die leerder moes skool op 'n gereelde basis bygewoon het en nie vir meer as 20 dae sonder 'n geldige rede afwesig gewees het nie.
1.3.4 Die leerder moes aan die Skoolgebaseerde Assesserings- (SGA)/Praktiese Assesseringstaak- (PAT)/mondelinge vereistes van alle tersaaklike vakke voldoen het.
1.4 Distrikte moet monitor dat alle skole hierdie riglyne nakom deur vordering vir graad 10- en 11-leerders by hul skole te implementeer.
1.5 Prinsipale moet asseblief seker maak dat die inhoud van hierdie minuut aan alle opvoeders, leerders en ouers gekommunikeer word.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:11:20

Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47

Die volgende dokument(e) het betrekking op hierdie minuut.
Adobe Acrobat Reader® word benodig om hierdie dokumente te lees / druk.
Kliek op die onderstaande titel:  die dokument sal in Adobe Acrobat Reader® oopmaak waar u dit kan lees en/of druk.
Kliek op die WKOD-aanlyn logo aan die bokant van die skerm om terug te keer na die minuut.
"DBE Circular E35 of 2015"  (grootte: 323 KB)
"Guidelines for implementation of progression in gr 10 and 11"  (grootte: 1 527 KB)
Maak omsendbrief toe     Close this Minute     Byela emva