| VERWYSING: | 20151001-3831
14/1/2/1 |
 | | NAVRAE: | TJ Magwaca | TEL.: | 021 467 2626 | FAKS: | 021 467 9370 |
ASSESSERINGSBESTUURSMINUUT: 0021/2015 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE (HOOFKANTOOR EN ONDERWYSDISTRIKSKANTORE), ADJUNKDIREKTEURE, HOOFONDERWYSKUNDIGES, HOOFDE: KURRIKULUMKOÖRDINERING EN -ADVIES, KRINGSPANBESTUURDERS, HOOFDE: IBB-KOÖRDINERING EN -ADVIES, IBB-BESTUURDERS, ADJUNKHOOFONDERWYSKUNDIGES, ASSESSERINGSKOÖRDINEERDERS, HOOFDE VAN INRIGTINGS WAT KANDIDATE VOORBEREI VIR DIE NASIONALE SENIOR SERTIFIKAAT, BASIESE ONDERWYS EN OPLEIDING VIR VOLWASSENES VLAK 4 EN SENIOR SERTIFIKAAT-EKSAMENS |
| MONITERING VAN DIE NASIONALE SENIOR SERTIFIKAAT, BASIESE ONDERWYS EN OPLEIDING VIR VOLWASSENES VLAK 4 EN SENIOR SERTIFIKAAT-EKSAMENS VAN OKTOBER 2015 TOT JUNIE 2016 |
| 1. |
Dit is noodsaaklik dat gehalteversekeringsprosesse op alle vlakke plaasvind ten einde die geldigheid van die eksamenuitslae te verseker. Dit sluit in onaangekondigde besoeke aan eksamensentrums om te verseker dat alle eksamenprosesse en -prosedures behoorlik en in ooreenstemming met die regulasies vir die afneem, administrasie en bestuur van eksamens uitgevoer word. |
| 2. |
Verteenwoordigers van die volgende vier instansies sal die eksamenprosesse monitor by die eksamensentrums: |
| 2.1 |
Die Wes-Kaap Onderwysdepartement (WKOD): Net soos in die verlede, sal Kringspanbestuurders, IBB-bestuurders, lede van die kringspanne, amptenare van die Direktoraat: IBB en die Hoofdirektoraat: Assessering en Eksamens kontroleer dat die eksamenprosesse doeltreffend toegepas word; |
| 2.2 |
Umalusi - Die Raad vir Gehalteversekering in Algemene en Verdere Onderwys en Opleiding; |
| 2.3 |
Die Departement van Basiese Onderwys (DBO); en |
| 2.4 |
Die Departement van Hoër Onderwys en Opleiding (DHOO). |
| 3. |
Monitors van Umalusi, DBO en DHOO is spesifiek vir hierdie doel aangestel en sal nie noodwendig vergesel wees van WKOD-amptenare wanneer hulle eksamensentrums besoek nie. |
| 4. |
Kringspanbestuurders, IBB-bestuurders of lede van die kringspanne sal nie noodwendig net in hulle eie kringe monitor nie. |
| 5. |
Alle monitors van WKOD, Umalusi, DBO en DHOO sal identifikasiedokumente en aanstellingsbriewe in hulle besit hê en sal alle eksamenprosedures, byvoorbeeld die verwydering van vraestelle uit kluise, die veilige bewaring en berging van vraestelle in kluise of brandkaste, die skryf van die eksamen in die eksamenlokale en toesighouding, kontroleer. Indien daar enige twyfel oor ‘n persoon se identiteit bestaan, moet die hoof van die inrigting onverwyld met die Direkteur: Assesseringsbestuur (mnr HJ Swart) by 021 467 2057 / 082 409 8820, die Direkteur: Eksamenadministrasie (mnr AP Clausen) by 021 467 2945 / 082 773 9980, mnr J Parbhoo by 021 467 2572 of mnr TJ Magwaca by 021 467 2626 in verbinding tree. |
| 6. |
Die WKOD ondersteun hierdie moniteringsproses en is oortuig daarvan dat die eksamenprosesse in sy skole met integriteit gehanteer word. Hoofde van die betrokke inrigtings word dus ernstig versoek om in alle opsigte met die monitors saam te werk. |
| 7. |
Monitors is gevra om aan te meld by die kantoor van die hoof van die inrigting wanneer hulle kom en weer wanneer hulle vertrek. Hoofde van inrigtings word versoek om die moniteringsinstrument te onderteken en ook om te verseker dat die monitor die Register vir Monitors onderteken. |
| 8. |
Hierdie minuut word deur die moniteringsinstrument (Bylae A) vergesel vir gebruik in die monitering vir die afneem van die eksamens. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:10:15
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
