| VERWYSING: | 40876
13/2/11/5/2 |
 | | NAVRAE: | AB Jantjies | TEL.: | 021 467 2895 | FAKS: | 021 467 9370 |
ASSESSERINGSBESTUURSMINUUT: 0001/2015 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE (HOOFKANTOOR EN ONDERWYSDISTRIKSKANTORE), HOOFONDERWYSKUNDIGES, HOOFDE: KURRIKULUMKOÖRDINERING EN -ADVIES, KRINGSPANBESTUURDERS, HOOFDE: IBB-KOÖRDINERING EN -ADVIES, IBB-BESTUURDERS, ADJUNKHOOFONDERWYSKUNDIGES, ASSESSERINGSKOÖRDINEERDERS. KURRIKULUMADVISEURS EN HOOFDE VAN ONDERWYSINRIGTINGS WAT KANDIDATE VIR DIE NASIONALE SENIOR SERTIFIKAAT-EKSAMEN VOORBEREI |
| ONTLEDING VAN DIE 2014 NASIONALE SENIOR SERTIFIKAAT-EKSAMENUITSLAE |
| 1. |
Gedurende die nasien van die 2014 Nasionale Senior Sertifikaat skrifte is die punte wat deur elke kandidaat in elke vraag in elke vraestel behaal is, verwerk ten einde die WKOD in staat te stel om terugvoering aan elke skool te voorsien. |
| 2. |
Elke skool wat die Nasionale Senior Sertifikaat-eksamen deur middel van die Wes-Kaap Onderwysdepartement (WKOD) geskryf het, word hiermee voorsien van 'n ontleding van die uitslae wat sy kandidate in die 2014-Nasionale Senior Sertifikaat-eksamen behaal het. |
| 3. |
Kurrikulumbeplanners en -adviseurs is van die statistiek vir die provinsie en hul distrikte voorsien sodat hulle strategieë kan ontwikkel om onderwysers met moeilike aspekte van die kurrikulum te help. Distrikte word ook voorsien van die ontleding van die uitslae van elke skool. |
| 4. |
Hierdie uitgebreide ontleding stel elke skool in staat om te identifiseer waar hul leerders goed gedoen het of met sekere van die eksamen vrae gesukkel het. |
| 5. |
Hierdie statistiek dui die volgende aan ten opsigte van individuele skole: |
| 5.1 |
Die persentasie verskil bo of onder die provinsiale gemiddelde wat die skool se kandidate vir elke vraag behaal het. 'n Positiewe persentasie verskil toon aan dat die gemiddelde persentasie bo die provinsiale gemiddelde was, terwyl 'n negatiewe persentasie verskil daarop dui dat die skool se gemiddelde persentasie onder die provinsiale gemiddelde was. |
| 5.2 |
Die getal kandidate wat elke vraag aangepak het, word aangedui per vraestel. |
| 5.3 |
Die afwyking in die gemiddelde persentasie tussen wat die kandidate vir die vraestel as 'n geheel behaal het en die gemiddelde vir die provinsie verskyn in die laaste kolom. |
| 6. |
Die onderwysers wat by elke vak betrokke is, moet die data onderling bespreek, sterk en swak punte en areas van bekommernisse identifiseer, en hierdie inligting gebruik om ’n aksieplan vir die vak vir 2015 op te stel. |
| 7. |
Waar ernstige probleme in ’n vak geïdentifiseer word, moet vakhoofde hulle kurrikulumadviseurs om hulp nader. Onderwysers wie se leerders besondere sukses in spesifieke vrae behaal het, kan deur die kurrikulumadviseurs gevra word om die redes vir hul sukses te deel met skole wat swak gevaar het. |
| 8. |
Die WKOD vertrou dat skoolhoofde, onderwysers en kurrikulumadviseurs sal baat by hierdie eksamen statistiek/data. Dit sal bydra tot die verbetering van die gehalte van onderrig en leer in die Wes-Kaap. |
| 9. |
Prinsipale word versoek om die inhoud van hierdie minuut onder die aandag van vakonderwysers en departementshoofde te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:01:01
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
