1. Die besluit om kondonerings toe te laat vir leerders in graad 7 - 9 wat nie die minimumvereistes nagekom het nie, is by die vergadering van die Raad vir Onderwysministers (ROM) op 17 September 2015 goedgekeur. In die lig van strenger bevorderingsvereistes vir graad 7 - 9 sedert die implementering van KABV in 2014 sal die kondonerings vir hierdie grade vir die volgende drie jaar geimplementeer word.
1.1 Kondonerings sal tot 'n maksimum van drie (3) vakke toegelaat word deur eers die kondonerings vir die fundamentele vakke, d.w.s. Huistaal, Eerste Addisionele Taal en Wiskunde toe te pas.
1.2 Indien 'n leerder nie kondonerings in die fundamentele vakke benodig nie, kan kondonerings vir die keusevakke oorweeg word, mits die totale getal vakke wat gekondoneer word nie meer as drie is nie.
1.3 Die kondoneringspeling kan soos volg vir 2015 tot 2017 toegepas word:

Jaar 2015 2016 2017
Maksimum kondoneringspersentasie per vak (hoogstens drie vakke) 7% 5% 3%
1.4 Dit is belangrik dat alle leerders dieselfde en billik behandel word. Dus moet skole eers die kondoneringsriglyne hierbo toepas op alle leerders wat nie die minimum bevorderingsvereistes nagekom het nie en daarna daardie leerders bevorder wat as gevolg van jare in 'n fase kwalifiseer.
1.5 Skole moet 'n rekord hou van alle leerders wat per vak en per graad gekondoneer is.

2. Let asseblief daarop dat die aanpassings hierbo, ongeag die slaagpersentasies van die skool, in werking sal tree.

3. 'n Meer gedetailleerde DBO-omsendbrief in hierdie verband sal na skole gestuur word sodra dit deur die WKOD ontvang word.

4. Prinsipale word vriendelik versoek om onderwysers en ouers oor die inhoud van hierdie minuut in kennis te stel.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:09:30