| VERWYSING: | 20150907-3084
13/2/11/4 |
 | | NAVRAE: | A Jantjies | TEL.: | 021 467 2895 | FAKS: | 021 467 9370 |
ASSESSERINGSBESTUURSMINUUT: 0017/2015 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE (HOOFKANTOOR EN DISTRIKSKANTORE), ADJUNKDIREKTEURE, HOOFONDERWYSKUNDIGES, HOOFDE: KURRIKULUMKOÖRDINERING EN -ADVIES, KURRIKULUMADVISEURS, KRINGSPANBESTUURDERS, HOOFDE: IBB-KOÖRDINERING EN -ADVIES, IBB-BESTUURDERS, ADJUNKHOOFONDERWYSKUNDIGES, ASSESSERINGSKOÖRDINEERDERS, VAKADVISEURS VIR LEWENSORIËNTERING, HOOFDE VAN ALLE OPVOEDKUNDIGE INRIGTINGS WAT KANDIDATE VIR DIE NASIONALE SENIOR SERTIFIKAAT-EKSAMEN VOORBEREI |
| AANVULLENDE EKSAMEN VIR DIE ALGEMENE ASSESSERINGSTAAK VIR GRAAD 12 LEWENSORIËNTERING |
| 1. |
Die skryf van die Algemene Assesseringstaak (AAT) vir Lewensorientering (LO) is op 04 September 2015 geadministreer. |
| 2. |
Die Departement van Basiese Onderwys (DBO) het die Wes-Kaap Onderwysdepartement (WKOD) in kennis gestel dat kandidate, wat weens 'n geldige rede, nie die AAT vir LO op 04 September 2015 geskryf het nie, die geleentheid sal kry om 'n aanvullende eksamen op 13 Oktober 2015 vanaf 09:00 - 11:00 te skryf. Enige afwyking van hierdie datum en tyd sal as 'n ernstige onreelmatigheid beskou word. |
| 3. |
Die tweede geleentheid om die AAT vir LO te skryf, sal vir leerders wees wat weens 'n geldige rede wat met siekte, familie probleme, of ander spesiale redes verband hou, nie kon skryf nie. In elke geval word die kandidaat versoek om dokumentere bewys te verskaf. Hierdie geleentheid moenie gebruik word vir kandidate wat in die eerste AATeksamen vir LO swak gevaar het nie. |
| 4. |
Alle ander instruksies oor die afneem van die AAT vir LO, soos uiteengesit in Assesseringsminuut 0011/2015, moet tydens die afneem van die aanvullende eksamen vir die AAT vir LO nagekom word. |
| 5. |
Skole met leerders wat met 'n geldige rede afwesig was, moet die aangehegte antwoordstrokie voltooi en dit teen Maandag, 21 September 2015, na 021 467 9370 faks. |
| 6. |
Die dokumentêre bewys moet by die skool op lêer gehou word en op versoek aan die distriksmonitors beskikbaar gestel word. |
| 7. |
Die nasienriglyne sal na skole gestuur word en die nasien en interne moderering van die antwoordboeke moet teen Vrydag, 23 Oktober 2015 afgehandel wees. |
| 8. |
Bring asseblief hierdie inligting onder die aandag van alle graad 12 Lewensoriënteringonderwysers en -leerders. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:09:11
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
