1. Inleiding
1.1 Die gewysigde Nasionale Norme en Standaarde vir Skoolbefondsing (Staatskoerant No. 33973, Kennisgewing 48) dui aan dat die Jaarlikse Nasionale Assessering (JNA) vir graad 3 of graad 6 gebruik sal word om leerderprestasie in onafhanklike skole, wat vir 'n subsidie in aanmerking kom, te meet.
1.2 Hierdie minuut dien om alle staatsgesubsidieerde onafhanklike skole wat in die aangehegte Bylae A geidentifiseer is, in te lig oor die graad (3 tot 6) wat die JNA op 15 en 17 September 2015 moet skryf. Die rooster is as Bylae B aangeheg.

2. Prosedures voor die skryf van die JNA
2.1 Skole is op SOBIS van 'n Taal van Leer en Onderrig (TLO)-verslag voorsien en is versoek om seker te maak dat alle leerderregistrasie teen April 2015 korrek voltooi is. Dit was om te verseker dat leerders die toetse in die korrekte TLO, vak en graad skryf.
2.2 Toetsvraestelle sal volgens die inligting op SOBIS-leerderregistrasie verpak en versprei word. Distriksamptenare sal toetsvraestelle op die dag van die toets na onafhanklike skole neem.

3. Voorbereiding van die toetslokaal
3.1 Lokale wat vir die skryf van die JNA toegeken is, moet ten minste een dag voor die skryf van elke toets voorberei word.
3.2 Mure met materiaal wat leerders moontlik kan help, moet bedek word of die materiaal moet verwyder word.
3.3 Graad 3-leerders kan toegelaat word om onderrighulpmiddels te gebruik, soos voorgeskryf in die Wiskunde Kurrikulum en Assesseringsbeleidsverklaring (KABV). Die onderrighulpmiddels strek van die leerders se tellers, 100 kaarte, en die getallelyne tot enige ander hulpmiddels wat leerders gewoonlik mag gebruik om 'n probleem op te los.
3.4 Sitplekke in die lokaal moet sodanig gerangskik word dat leerders nie toegang tot mekaar se werk kan verkry nie.

4. Prosedures voor die afneem van die JNA
4.1 Die punteblaaie vir die JNA sal nie aan skole voorsien word nie. Daar sal eerder van skole verwag word om hierdie punteblaaie vanaf SOBIS te druk. Skole word versoek om die punteblaaie af te laai en te druk deur te gaan na "Assessments", "ANA 2015" en dan na "ANA Mark sheets" op SOBIS. Die Taal- en Wiskunde-punteblad vir elke klas in die betrokke graad moet teen 14 September 2015 afgelaai en gedruk wees. Die punteblaaie sal ook as die bywoningsregister gebruik word.
4.2 By onafhanklike skole waar meer as een klas die JNA skryf, moet die prinsipaal reel vir nasieners vir die klasse wat skryf. Waar net een klas die JNA skryf, sal die skool deur die distriksamptenaar geadministreer word.
4.3 Die JNA-toetse, saam met die afwesigheidsregister, sal deur die distriksamptenaar op dieselfde dag waarop die JNA geskryf word van die skoolterrein verwyder word en sal by 'n nasiensentrum nagesien word.
4.4 Die voltooide punteblad, saam met die nagesiende antwoordboeke, sal na die nasienproses afgehandel is, aan die skool teruggegee word.
4.5 Enige navrae oor die nagesiende antwoordstelle moet teen Vrydag, 16 Oktober 2015 onder die aandag van die distriksassesseringskoordineerder gebring word.

5. Rekordering en rapportering
5.1 Punte sal by puntesentrums gerekordeer word.
5.2 'n JNA-leerderverslag sal so gou as wat die 2015 JNA-uitslae deur die Departement van Basiese Onderwys (DBO) aangekondig word, op SOBIS beskikbaar wees.

6. Prosedure vir staatsgesubsidieerde of nie-gesubsidieerde onafhanklike skole om JNA-toetsvraestelle te bekom

Die JNA-toetse sal na die skryf van 2015 JNA teen Maandag, 21 September 2015 op die "GET Assessment"-webtuiste beskikbaar wees.

Toegang tot die webtuiste vir die 2015 JNA-toetse kan verkry word deur hierdie skakel te volg: http://www.wcedcurriculum.westerncape.gov.za/ en
kliek op "Assessment Management",
kies "GET Assessment" op die aftreklys,
kliek op "Annual National Assessments", en dan
op "Annual National Assessments 2015".


7. Prinsipale van onafhanklike skole word vriendelik versoek om kennis te neem van die inhoud van hierdie minuut en dit onder die aandag van die betrokke opvoeders en leerders te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:09:01

"Government Gazette No. 33973"  (grootte: 166 KB)
Bylae A: "State subsidised independent schools writing ANA 2015"  (grootte: 62 KB)
Bylae B: "ANA 2015 Time table"  (grootte: 36 KB)