| VERWYSING: | 20150803-1903
14/31 |
 | | NAVRAE: | R van der Horst | TEL.: | 021 467 2991 | FAKS: | 021 467 9370 |
ASSESSERINGSBESTUURMINUUT: 0015/2015 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE (HOOFKANTOOR EN DISTRIKSKANTORE), ADJUNKDIREKTEURE, HOOFONDERWYSKUNDIGES, HOOFDE: KURRIKULUMKOÖRDINERING EN -ADVIES, KRINGSPANBESTUURDERS, HOOFDE: IBB-KOÖRDINERING EN -ADVIES, IBB-BESTUURDERS, AOO-KOÖRDINEERDERS, ADJUNKHOOFONDERWYSKUNDIGES, SENIOR KURRIKULUMBEPLANNERS: ALGEMENE ONDERWYS EN OPLEIDING, ASSESSERINGSKOÖRDINEERDERS, KURRIKULUMADVISEURS EN HOOFDE VAN INRIGTINGS WAT GRAAD 1 TOT 9 AANBIED |
| BESTUUR, ADMINISTRASIE, AFNEEM EN NASIEN VAN DIE 2015 JAARLIKSE NASIONALE ASSESSERINGS |
| 1. |
Skole is deur middel van Omsendbrief 0008/2015 ingelig oor die 2015 Jaarlikse Nasionale Assesserings (JNA's) wat vanaf 15 - 18 September 2015 deur graad 1- tot 9-leerders by gewone openbare skole en sommige spesiale skole afgeneem sal word. By staatsgesubsidieerde onafhanklike skole sal slegs graad 3 of graad 6, watter graad ook al die hoogste graad is wat by die skool aangebied word, die JNA skryf. |
| 2. |
Die doel van hierdie minuut is om die reelings vir die bestuur, administrasie, afneem en nasien van die JNA te verduidelik. Nie-nakoming van hierdie stipulasies sal 'n ondersoek van die JNA-anomaliee tot gevolg hê. |
| 3. |
Bylae A dek die prosedures wat voor, gedurende en na die skryf van die JNA gevolg moet word. Neem asseblief kennis van die datums wat in die bylae aangedui word. |
| 4. |
Bylae B is die Onderwysersgids vir die Jaarlikse Nasionale Assessering wat minstens een week voor die aanvang van die JNA aan opvoeders verskaf moet word. |
| 5. |
Die Wes-Kaap Onderwysdepartement sal voortgaan om op u steun te reken ten einde te verseker dat die JNA met die integriteit passend by 'n nasionale assessering afgeneem word.
|
| 6. |
Bring asseblief hierdie minuut onder die aandag van die betrokke onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:09:01
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
