1. Die Regulasies betreffende die Afneem, Administrasie en Bestuur van die Nasionale Senior Sertifikaat-eksamen van Mei 2014, maak voorsiening vir 'n finale bevorderingspunt vir Lewensorientering, gebaseer op interne assessering, wat ekstern gemodereer moet word, asook 'n AAT wat ekstern opgestel en gemodereer word.

2. Die doelwit van hierdie minuut is om skole oor die prosedure wat by die administrasie van die AAT vir Lewensorientering gevolg moet word, in te lig.

3. Die afle van AAT vir LO
3.1 Die AAT vir LO is deel van die finale bevorderingspunt in graad 12 en dus moet alle skole dit skryf.
3.2 Die datum vir die afle van AAT vir LO is 04 September 2015 vanaf 09:00 tot 11:00. Enigeafwyking van hierdie datum en tyd sal as 'n ernstige onreelmatigheid beskou word.
3.3 Die AAT vir LO sal uit 'n twee uur lange vraestel van 80 punte bestaan. Dit sal Taak 4 in Kwartaal 3 vervang en sal 20% van die finale punt vir LO uitmaak.
3.4 Die WKOD sal vraestelle vir AAT vir LO uitdruk vir alle leerders in die provinsie volgens die finale registrasiedata soos op die Sentrale Onderwysbestuursinligtingstelsel (SOBIS) aangedui en dit versprei na alle skole wat die Nasionale Senior Sertifikaat (NSS) aanbied.
3.5 Sodra die vraestelle ontvang word, moet prinsipale volle verantwoordelikheid as Hoofeksamenbeamptes aanvaar om te verseker dat alle voorwaardes en reels wat betrekking het op die NSS-eksamen gevolg word.
3.6 Prinsipale moet die koevert op die dag van die eksamen in die teenwoordigheid van die leerders oopmaak en toesig hou oor die verspreiding van die vraestelle.
3.7 Prinsipale moet seker maak dat opsieners oplettend is terwyl AAT vir LO geskryf word.
3.8 Nadat AAT vir LO afgele is, moet die antwoordboeke in die sakke wat voorsien is, verseel en in die skoolkluis gebere word totdat daar met die nasien daarvan begin word.

4. Nasienriglynbesprekings
4.1 Nasionale en provinsiale nasienriglynbesprekingvergaderings sal vanaf 9-10 September 2015 plaasvind.
4.2 Die finale nasienriglyne sal teen 15 September 2015 aan skole verskaf word en antwoordboeke kan sleg uit die kluis verwyder word op die dag wanneer daar met die nasienwerk begin word.

5. Nasien van AAT vir LO
5.1 Die nasien van AAT moet by die skool onder toesig van die prinsipaal, met 'n senior onderwyser of Hoof van Departement (HVD) wat as die interne moderator optree, uitgevoer word.
5.2 Die nasienproses moet op 16 September 2015 begin en teen 30 September 2015 klaar wees.
5.3 Waar meer as een onderwyser LO by die skool onderrig, moet prinsipale seker maak dat onderwysers nie die antwoordboeke van hul eie leerders nasien nie.

6. Moderering van bewyse van leerder
6.1 Minstens 10% van die nagesiende antwoordboeke moet deur 'n senior onderwyser of HVD gemodereer word.
6.2 Die Kurrikulumadviseur vir LO moet 'n paar antwoordboeke van geselekteerde skole modereer.
6.3 Provinsiale en nasionale moderering van AAT vir LO sal in Oktober 2015 plaasvind.

7. Vaslegging van punte vir AAT vir LO
7.1 'n Spesiale puntebladsy sal aan skole uitgereik word vir die rekordering van punte vir AAT vir LO. Hierdie puntebladsy kom by die normale puntebladsy wat vir LO verskaf is.
7.2 Die AAT-puntebladsy moet saam met die res van die skoolgebaseerde assesseringspuntebladsye na die WKOD gestuur word.

8. Prinsipale word vriendelik versoek om die nodige reelings vir die uitvoer van hierdie assessering te tref.

9. Bring asseblief hierdie inligting onder die aandag van alle Lewensorienteringonderwysers en -leerders.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:07:17