| 1. |
In 2014 is die Nasionale Senior Sertifikaat-eksamen (NSS-eksamen) vir die eerste keer volgens die Kurrikulum- en Assesseringsbeleidsverklaring (KABV) geadministreer. |
| 2. |
Neem asseblief kennis dat die eksamenriglyne in twee vakke, naamlik Dansstudies en Besigheidstudies, vir meer duidelikheid en om onderwysers te help om kandidate vir eksamens voor te berei, verander is. Die verslae wat voortvloei uit die nasien van die November 2014-eksamen dui daarop dat daar verskeie weglatings in die 2014-eksamenriglyne was, wat die wysigings genoodsaak het. |
| 3. |
Die gewysigde eksamenriglyne vir Dansstudies en Besigheidstudies is by hierdie minuut aangeheg. Die 2015-eksamenriglyne in hierdie vakke sal die 2014-riglyne vervang. |
| 4. |
Die eksamenriglyne sal op die Wes-Kaap Onderwysdepartement (WKOD) se webwerf beskikbaar gestel word by: http://wcedonline.pgwc.gov.za |
| 5. |
Skoolhoofde word vriendelik versoek om hierdie inligting onder die aandag van alle graad 12-onderwysers en -kandidate van Dansstudies en Besigheidstudies te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:05:08
|
 |