1. Die Kaapse Onderwys-en-Leierskapinstituut (KOLI) sal weer in 2016 gedurende die skoolkwartale of skoolvakansies opvoederontwikkelingskursusse, konferensies en seminare vir prinsipale, adjunkprinsipale, departementshoofde en opvoeders aanbied.

2. Alle kursusse wat in 2016 deur KOLI aangebied sal word, sal op die KOLI webwerf beskikbaar gestel word: www.wcedctli.co.za

3. Opvoeders wat daarin belangstel om hierdie kursusse by te woon, moet via die webwerf inskryf.

4. Geregistreerde gebruikers kan op die "Sign in"-skakel op die tuisblad kliek en inteken met 'n gebruikersnaam of e-posadres en wagwoord om vir die kursusse in te skryf.

5. Nuwe gebruikers kan soos volg registreer:
5.1 Kliek op die "Register here"-skakel wat u na die "Sign in"- of "Register here"-blad sal neem.
5.2 Die volgende velde moet ingevul word:

  • Gebruikersnaam: skep u gebruikersnaam wat u elke keer sal gebruik wanneer u op die KOLI webwerf aanteken.
  • Geldige/aktiewe e-posadres: tik u aktiewe en geldige e-posadres in. Indien u nie 'n aktiewe e-posadres het nie, moet u een skep voordat u voortgaan - 'n e-posadres is vir kommunikasiedoeleindes nodig.
  • Wagwoord: tik of skep jou wagwoord.
  • Bevestig jou wagwoord.
  • Bevestig dat jy 'n menslike besoeker is deur die korrekte vorm onderaan die bladsy na die grys "afgooigedeelte" te trek (sodoende word seker gemaak dat dit nie 'n rekenaar gegenereerde uitvissingspoging is nie).
  • Kliek op "create a new account".
5.3 Sodra u op "create a new account" gekliek het, verskyn die volgende skerm: "Let's confirm your email address".
5.4 Maak dan u e-pos oop en bevestig u e-posrekening deur die instruksies te volg wat aan u deur KOLI gestuur is. Kliek die eerste skakel in die boodskap wat u na die "Edit your profile"-blad neem.
5.5 Skep u volledige profiel deur u "Personal and Work Information" in te vul.
5.6 Kliek dan "Submit" en u persoonlike profiel sal op die stelsel bygewerk word.
5.7 Sodra u u profiel geskep het, besigtig al die kursusse wat by KOLI aangebied word en skryf in vir die kursusse wat u wil bywoon.
5.8 Voer dan u aansoekvorm in ("submit").

6. U aansoek sal deur die distriksamptenare beoordeel, deur die distriksdirekteur goedgekeur of afgekeur word en eers na distriksaftekening sal 'n finale besluit deur die KOLI-programkoordineerder geneem word.

7. Regdeur hierdie proses sal u e-posse ontvang om u oor die status van u aansoek in te lig. U kan ook op die stelsel aanteken en die status van u aansoek op die geskiedenisblad nagaan.

8. Hoewel hierdie instruksies ingewikkeld mag voorkom, is die stelsel so ontwerp om gebruikersvriendelik te wees, met eenvoudige instruksies om te volg. Indien u egter sukkel, kan u me Phelokazi Tutani by tel. 021 900 5024 of e-pos phelokazi.tutani@westerncape.gov.za vir bystand skakel.

9. Elke kursus op die stelsel sal 'n venstertydperk vir aansoeke vir daardie kursus aandui en daar word aanbeveel dat u slegs binne die voorgeskrewe tydperk aansoek doen.

10. Inskrywings vir seminare, konferensies, skoolvakansies en naweekintervensies moet direk aan die betrokke koordineerder gestuur word.

11. Die Wes-Kaap Onderwysdepartement sal aflosopvoeders aanstel vir die duur van die kursusse wat gedurende skoolkwartale by KOLI deur huidige opvoeders bygewoon word, mits:

  • die skool geen botallige opvoeders het nie;
  • die huidige opvoeder nie 'n opvoeder is wat deur die beheerliggaam besoldig word nie; en
  • die huidige opvoeder nie reeds vir 'n ander opvoeder instaan nie.
12. Dit is die skool se verantwoordelikheid om 'n geskikte plaasvervanger vir 'n opvoeder wat 'n kursus bywoon te vind en te nomineer.

13. Slegs 50 opvoeders kan inskryf vir elke kursus wat gedurende die skoolkwartaal aangebied word.

14. Vir verdere inligting aangaande KOLI intervensies vir 2016, kan die volgende koordineerders gekontak word:

15. Bring asseblief die inhoud van hierdie minuut onder die aandag van alle opvoeders.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:10:08