| 1. |
Die Kaapse Onderwys-en-leierskapinstituut (KOLI) nooi graad R- tot 9-taalonderwysers uit om of as aanbieders of deelnemers aan die Taaloplossingskonferensie deel te neem. |
| 2. |
Doel
Die doel van hierdie taalkonferensie is om praktiese voorbeelde van strategiee te voorsien waarop taal doeltreffend onderrig kan word. |
| 3. |
Datum, tyd en plek
Die konferensie sal Dinsdag, 06 Oktober 2015, vanaf 08:00 tot 15:00 en Woensdag, 07 Oktober 2015, vanaf 08:00 tot 14:00 by die Kaapse Onderwys-en-leierskapinstituut, Nuwe Nooiensfonteinweg, Kuilsrivier plaasvind. |
| 4. |
Inligting vir aanbieders |
| 4.1 |
Onderwysers wat belangstel om 'n taallesing, 'n referaat of taal-onderrig of 'n "beste klaskamerpraktyk" werkswinkel by die konferensie aan te bied, moet deur die volgende gelei word:
- Die lesing, referaat of "Hoe ek onderrig" werkswinkel moet op die graad R tot 12 Kurrikulum- en Assesseringsbeleidsverklarings (KABV) gebaseer wees.
- Die lesing moet 'n aspek van die taalkurrikulum vir 'n bepaalde fase dek.
- Konferensiedeelnemers moet by die lesing of werkswinkel betrek word, d.w.s. dit moet op 'n interaktiewe manier aangebied word.
- Tydsduur: 60 minute. Laat 5 - 10 minute toe vir groepbespreking of vrae.
- Lokale is toegerus met 'n oorhoofse projektor, interaktiewe witbord en . blaaibord met papier. Die uitleg van lokale is geskik vir aanbiedings vir groepe van 30 persone per lokaal.
- Aanbieders moet alle werksblaaie vir die konferensie voorberei en aan KOLI voorle. Alle werksblaaie sal in boekvorm gedruk word. Dit beteken dat aanbieders nie addisionele afskrifte van gedrukte materiaal hoef te bring nie, tensy van deelnemers verwag word om bladsye of werksblaaie te sny of te vou. Die sperdatum vir die indiening van werksblaaie aan KOLI is vyf weke voor die begin van die konferensie op 04 September 2015.
- Indien moontlik, moet alle gedrukte materiaal getik en elektronies deurgestuur word. Die KOLI sal die gedupliseerde materiaal voorsien.
|
| 4.2 |
Die konferensie is ook op soek na aanbieders wat "beste praktyk" vir die gebruik van inligtings- en kommunikasietegnologie in die onderrig en leer van taal in die klaskamer kan deel, asook aanbieders wat praktiese voorbeelde van maniere kan voorsien waarop taal (Afrikaans, Engels en Xhosa) doeltreffend in 'n diverse klaskamer onderrig kan word. |
| 4.3 |
Voltooi asseblief die aangehegte Bylae A indien u belangstel om 'n aanbieding by die konferensie aan te bied en stuur dit teen Vrydag, 04 September 2015, terug aan me M Benn by faksnommer 086 614 5151 of e-posadres Magdelena.Benn@westerncape.gov.za |
| 5. |
Inligting vir deelnemers |
| 5.1 |
Onderwysers wat graag die konferensie as deelnemers wil bywoon, word versoek om hul besonderhede op die inskrywingsvorm, Bylae B te voltooi. |
| 5.2 |
Die voltooide Bylae B moet teen 04 September 2015 teruggestuur word aan me N Salukazana by e-posadres Nomsa.Salukazana@westerncape.gov.za of faksnommer 021 900 5013 /5027 / 5162 / 086 614 5559. |
| 5.3 |
Die inskrywings sluit sodra die eerste 300 deelnemers ingeskryf is. |
| 6. |
Logistiek
Deelnemers of aanbieders van landelike onderwysdistrikte wat meer as 120 km per retoerrit aflê, mag op die aande van Maandag, 05 Oktober 2015 en Dinsdag, 06 Oktober 2015 by die Kaapse Onderwys-en-leierskapinstituut se koshuis oornag. |
| 7. |
Die KOLI vertrou dat hierdie konferensie, vir alle bywonende taalonderwysers, verrykend sal wees. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:08:17
|
 |