| 1. |
Die Kaapse Onderrig-en-leierskapinstituut (KOLI) nooi Grondslagfase (Graad R tot 3) onderwysers uit om of as aanbieders of deelnemers aan die Kurrikulum Differensiasie Konferensie deel te neem. |
| 2. |
Doel
Die doel van hierdie Kurrikulum Differensiasie Konferensie is om praktiese voorbeelde van maniere te voorsien waarop Taal (Afrikaans, Engels en Xhosa) en Wiskunde doeltreffend in 'n diverse klaskamer onderrig kan word. 'n Riglyn tot gedifferensieerde lesbeplanning, onderrigmetodes, leeromgewing en assessering sal gedek word om leerders wat op verskillende vlakke leer, te help. |
| 3. |
Datum, tyd en plek
Die konferensie sal Maandag, 29 Junie 2015, vanaf 08:00 tot 15:00 en Dinsdag, 30 Junie 2015, vanaf 08:00 tot 13:00 plaasvind by die Kaapse Onderrig-enleierskapinstituut, Nooiensfonteinweg, Kuilsrivier. |
| 4. |
Inligting vir aanbieders |
| 4.1 |
Onderwysers wat belangstel om 'n Taal (Afrikaans, Engels of Xhosa) of Wiskunde lesing, 'n aanbieding oor Taal of Wiskunde onderrig of 'n "beste klaskamer praktyk" werkswinkel by die konferensie wil aanbied, moet deur die volgende gelei word:
- Die lesing, referaat of "Hoe ek onderrig" werkswinkel moet op die graad R tot 12 Kurrikulum en Assesseringsbeleidsverklarings (KABV) vir gebaseer wees.
- Die les moet 'n aspek van die Taal of Wiskunde kurrikulum vir 'n bepaalde graad dek.
- Konferensiedeelnemers moet by die les of werkswinkel betrek word, d.w.s dit moet op 'n interaktiewe wyse aangebied word.
- Tydsduur: 60 minute. Laat 5 - 10 minute toe vir groepbespreking of vrae.
- Lokale is toegerus met 'n oorhoofse projektor, interaktiewe witbord en 'n blaaibord met papier. Die uitleg van lokale is geskik vir aanbiedings vir groepe van 30 persone per lokaal.
- Aanbieders moet voorberei en alle werksblaaie vir die konferensie aan KOLI voorle. Alle werksblaaie sal in boekvorm gedruk word. Dit beteken dat aanbieders nie addisionele afskrifte van gedrukte materiaal hoef te bring nie, tensy van deelnemers verwag word om bladsye of werksblaaie te sny of te vou. Die sperdatum vir die indiening van werksblaaie aan KOLI is 29 Mei 2015, vier weke voor die begin van die konferensie.
- Indien moontlik, moet alle gedrukte materiaal getik en gedruk word. Die KOLI sal die gedupliseerde materiaal voorsien.
|
| 4.2 |
Die konferensie is ook op soek na aanbieders wat "beste praktyk" van Inligting en Kommunikasietegnologie kan deel in die onderrig en leer van Taal of Wiskunde in die klaskamer. |
| 4.3 |
Voltooi asseblief die aangehegte Bylae A indien u belangstel om `n aanbieding by die konferensie te doen en stuur dit teen Donderdag, 30 April 2015, terug aan me B Khumalo by faksnommer 021 900 5027 / 5162 / 5013 / 086 731 6835 of e-posadres buhle.khumalo@westerncape.gov.za |
| 5. |
Inligting vir deelnemers |
| 5.1 |
Onderwysers wat graag die konferensie as deelnemers wil bywoon, word versoek om hulle besonderhede op die inskrywingsvorm, Bylae B te voltooi. |
| 5.3 |
Die inskrywings sluit sodra die eerste 200 deelnemers ingeskryf is. |
| 6. |
Logistieke
Deelnemers of aanbieders van landelike onderwysdistrikte wat meer as 120 km per retoerrit aflê, mag van die Kaapse Onderrig-en-leierskapinstituut oornaggeriewe gebruik maak vir die aande van Sondag, 28 Junie 2015 en Maandag, 29 Junie 2015. |
| 7. |
Die KOLI vertrou dat hierdie konferensie verrykend sal wees vir alle Grondslagfase-onderwyers wat dit bywoon. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:04:13
|
 |