1. Die toenemende aanvraag vir lokale en akkommodasie deur die Wes-Kaap Onderwysdepartement (WKOD) belanghebbendes het daartoe gelei dat die Direktoraat: Kaapse Onderwys-en-Leierskapinstituut (KOLI) 'n meer doeltreffende vorm van spyseniering vir alle gebruikers ondersoek.
2. Dit is dus vir ons aangenaam om aan te kondig dat 'n professionele spysenieringsmaatskappy gekontrakteer sal word om, met ingang van 1 April 2015, alle etes en verversings aan gebruikers van die KOLI fasiliteite te voorsien. Dit beteken dat alle gebruikers verplig sal wees om gebruik te maak van die ter plaatse spysenieringskontrakteur wat op die transversale kontrak is. Geen ander spyseniers sal op die terrein toegelaat word nie.
3. Met bevestiging van 'n bespreking by die KOLI, moet die aansoeker hulle spysenieringsbehoeftes direk aan die gekontrakteerde spysenier kommunikeer. 'n Standaard spyskaart sal aan alle gebruikers voorsien word en hulle sal dan maaltyd koeponne ontvang wat vir etes/tee/ens. geruil kan word. Aan die einde van die intervensie sal die spysenier elke gebruiker van 'n faktuur voorsien en die betalings sal dan deur Verkrygingsbestuur verwerk word, soos voorgeskryf. Die ter plaatse spysenier kan ook opdrag gegee word om sonder enige bykomende verkrygingsprosesse, departementele spyseniering weg van die terrein af, te voorsien. Die standaard bywoningsregister en gesertifiseerde fakture moet in alle gevalle by die betalingsadvies aangeheg word.
4. Inligting oor die gekontrakteerde diensverskaffer, kontakbesonderhede sowel as die standaard en spesiale spyskaarte soos gespesifiseer in die kontrakspesifikasies, sal voorsien word sodra die kontrak gesluit is.
5. Dit is baie belangrik dat die 30-dag sperdatum vir die bespreking van KOLI lokale sowel as vir bespreking vir spyseniering nagekom word.
6. Ons vertrou dat ons op die volle samewerking van alle gebruikers staat kan maak en dat hierdie nuwe reëling deur almal verwelkom sal word en sal bydra tot verbeterde doeltreffendheid.
7. Bring asseblief die inhoud van hierdie minuut onder die aandag van alle betrokke personeel.


GETEKEN: T SINGH
WNDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2015:03:17