| 1. |
ISebe leMfundo leNtshona Koloni (iSebe iWCED) lenze i-reference file yeBhunga eliMele aBafundi yesikolo ngasinye sezikolo zikarhulumente eNtshona Koloni ezifanele ziyifumane, o.k.t. esineBakala 8 nangaphezulu ukuncedisa iiRCL ekwenzeni imisebenzi yazo. |
| 2. |
I-reference file iya kusiwa ngamagosa ezithili kuzo zonke izikolo zikarhulumente zineBakala 8 nangaphezulu yaye mayinikwe iRCL ngokukhawuleza yakuba ifikile. |
| 3. |
Ukuze kuzuzwe isiphumo esinqwenelekayo nge-reference file sokunceda iiRCL ekwenzeni imisebenzi yazo, kucetyiswa ukuba inqununu notitshala oligosa loqhagamshelwano (teacher liaison officer) (TLO) baxoxe ngokukule fayili kunye neRCL echaphazelekayo. |
| 4. |
Ukongeza apho, kucetyiswa ukuba kwenziwe ishedyuli yeengoxo ukuqinisekisa ukuba amalungu eRCL ayaqhelaniswa nokukule fayili de akwazi. Iprogram yeengoxo ingaqhutywa kwithuba leenyanga ezintathu okanye nangaphezu koku. |
| 5. |
Isikolo ngasinye siya kufumana iikopi ezimbini (2) zefayili ngeelwimi zaseburhulumenteni zontathu zephondo leNtshona Koloni. |
| 6. |
Ukuba isikolo asifumananga kopi, kucelwa siqhagamshelane noMququzeleli weRCL wesithili semfundo. |
| 7. |
Ifayili yipropathi yesikolo nekufuneka igcinwe ngokunqatyisiweyo ngawo onke amaxesha. Ii-TLO zinokwenza iikopi zamacandelo afanelekileyo efayili lo gama ziyigcine ngokunqatyisiweyo. |
| 8. |
Kucelwa iinqununu zazise okukule ngcaciso imfutshane bonke abachaphazelekayo, kubandakanywa namabhunga olawulo ezikolo, ukuze bonke bakuthathele ingqalelo. |
ISAYINWE: NGU-J H LYNERS
USEKELA MLAWULI-JIKELELE WOPHUHLISO NOQUQUZELELO LWAMAZIKO
UMHLA: 2014:11:26
|
 |