| 1. |
Die Departement van Basiese Onderwys sal sy 5de Aksieprogram-vir-Jong-Burgerskompetisie in 2014 aanbied. Die kompetisie betrek graad 10 leerders by aktiwiteite wat fokus op maatskaplike kwessies van belang in hul skool of gemeenskap. |
| 2. |
Hierdie kompetisie poog om leerderbewustheid te ontwikkel van die waardes wat die Konstitusie rugsteun deur hulle betrokkenheid by maatskaplike kwessies wat verband hou met die graad 10 KABV vir Lewensoriëntering. Daar word van leerders verwag om positiewe verandering teweeg te bring in die gekose kwessie. |
| 3. |
Die kompetisie stipuleer dat 'n span van tien graad 10-leerders 'n projek kies en die riglyne en struktuur volg, soos voorgeskryf in die projekmateriaal, wat aan skole voorsien sal word. Daar word van leerders verwag om aan te dui dat hulle in staat is om vir die projek te begroot en die geld wat hulle insamel en spandeer, na te spoor. Die span moet ook aandui hoe hulle bemagtig is, deur 'n professionele portefeulje saam te stel, en dit dan mondelings op 'n duidelike wyse en met vertroue aanbied. |
| 4. |
Pryse sal op provinsiale en nasionale vlakke aan skole toegeken word: |
| 4.1 |
Provinsiaal:
Die eerste prys is R 5 000.00 om aan die uitbreiding van die projek te bestee en die wenskool sal hul provinsie op nasionale vlak verteenwoordig. Tweede prys is R 2 000.00 en die derde prys is R 1 000.00. |
| 4.2 |
Nasionaal:
Die eerste prys is R 10 000.00 om aan die uitbreiding van die projek te bestee. Tweede prys is R 7 500.00 en die derde prys is R 5 000.00. |
| 4.3 |
Elke spanlid sal ‘n Platinum Sertifikaat Van Prestasie ontvang. |
| 4.4 |
Alle vervoer- en akkommodasiekostes vir die nasionale kompetisie sal deur die borg gedek word. |
| 5. |
Die Wes-Kaap Onderwysdepartement wil graag alle skole aanmoedig om aan hierdie kompetisie deel te neem. Om in te skryf, voltooi asseblief die aangehegte registrasievorm en stuur dit aan mnr DT Pillay teen 8 Maart 2014. Dit kan gefaks word na 086 620 3900 of e-pos dit na Dennis.Pillay@westerncape.gov.za |
| 6. |
Vir meer inligting oor die kompetisie, kontak asseblief mnr DT Pillay by tel no 021 467 2582 of die Skoolverrykingskoördineerder by u distrikskantoor. |
| 7. |
Bring asseblief die inhoud van hierdie minuut onder die aandag van alle graad 10 Lewensoriënteringsonderwysers. |
GETEKEN: J H LYNERS
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2014:02:25
|
 |