| 1. |
ISaveyi yaQho ngoNyaka epapashwe kwigazethi (gazetted Annual Survey) yezikolo eziqhelekileyo iya kuqhutywa nge-4 Matshi 2014. Kuya kufuneka iinqununu zisayinele ukuchaneka kwedatha yabafundi kwi-CEMIS. Kucelwa uqinisekise ukuba oku kulandelayo kubhalwe ngokuchanekileyo kwi-CEMIS ungadlulanga owe-4 Matshi 2014: |
| 1.1 |
Abafundi bakumabakala, bakwiiklasi nakumacandelo e-LOLT achanekileyo; |
| 1.2 |
Kugqityiwe ukufakwa kwengcaciso ngabafundi (abamkelwayo nabakhutshwayo esikolweni); yaye |
| 1.3 |
Utshintsho ngokwamabakala lwenziwe lwagqitywa. |
| 2. |
ISaveyi yaQho ngoNyaka ikwafuna ukuba izikolo zihlaziye ingcaciso engootitshala zize zifake ingcaciso epheleleyo kwizikrini. Lo msebenzi kufuneka usayinelwe ungadlulanga owe-26 Matshi 2014 ngokuthi kuqinisekiswe le miba ilandelayo: |
| 2.1 |
Iinkcukacha zootitshala zihlaziyiwe malunga neminyaka yamava, namabakala kunye nezifundo abazifundisayo ngo-2014; |
| 2.2 |
Zonke izikrini zokufaka idatha zizalisiwe yaye izikrini ebesele zinedatha ziyahlaziywa (pre-populated screens), umz. iifizi zezikolo neetheyibhile zeziseko zophuhliso (infrastructure tables); yaye |
| 2.3 |
Inkqubo yokulandelela abafundi (learner tracking) igcinwa isebenza kakuhle ngokufaka ingcaciso ngabafundi (transferring learners) ngaloo mihla bamkelwa okanye bemka ngayo esikolweni. |
| 3. |
Njengegosa le-EMIS lesikolo, inqununu mayilawule iinkqubo zokufaka idatha ukuqinisekisa ukuba ubungqina bokuqinisekisa kunye neesiginitsha zabasebenzi ekugqithiselwe kubo amagunya okutshekisha idatha, zikhona. Iinkqubo zomsebenzi wokufaka idatha ze-EMIS mazirekhodwe (EMIS data business processes) ukuqinisekisa ukuphendula malunga nokuchaneka kwedatha, njengoko le ngacciso inokuphicothwa ukuchaneka kwayo. Kucelwa nifunde iSetyhula yeCandelo loLawulo lweNgcaciso 0003/2012 (Knowledge and Information Management Circular 0003/2012) ukufumana iinkcukacha ezingaphezulu. Kukhunjuzwa iinqununu kwakhona ukuba ukususela kulo nyaka, ukungenisa idatha ye-CEMIS echanekileyo ngumqathango ophambili ekuya kuxhomekeka kuwo ukufumana kwezikolo iSabelo-mali ngokweMiqathango neMimiselo yoLwabiwo-mali (Norms and Standards funding) (iSetyhula yeCandelo loLawulo loLwazi neNgcaciso 0044/2013). |
| 4. |
Kunyanzelekile ukusetyenziswa kweNombolo yeSazisi (Identity Number) ngabafundi kuzo zonke iisistim zokulawulwa nokuphathwa kwezikolo. Kuza kupapashwa kungekudala isetyhula ngokusesikweni ngokumalunga noku. Ikho ingxelo ye-CEMIS yokuqaphela abafundi abangenazinombolo zesazisi nokulungiselela ukufakwa ekhompyutheni kweenombolo zesazisi ezilahlekileyo. Ukuba umfundi akananombolo yesazisi evunyiweyo, kucelwa ukuba ulungiselele inkqubo yokufunyanwa kwayo ngokulandela isikhokelo esinikiweyo kwisetyhula eza kupapashwa. |
| 5. |
Iinqununu maziququzelele iinkqubo zeSaveyi yaQho ngoNyaka ukuqinisekisa ukuchaneka nokuzaliswa kwengcaciso kwangethuba. |
| 6. |
Kucelwa ubhekise yonke imibuzo ngale setyhula ku-T Pokolo naku-T Abbas kwezi nombolo zefoni 021 467 2289 naku-021 9290 ngokulandelelanayo. |
ISAYINWE: NGU-M M HARKER
USEKELA MLAWULI-JIKELELE WOCWANGCISO LWEMFUNDO
UMHLA: 2014:02:13
|
 |