| 1.1 |
Injongo yale ngcaciso imfutshane kukwazisa zonke ii-ofisi zezithili nezikolo ngenkqubo yokuthenga ifanitshala nezixhobo zokusebenza. |
| 1.2 |
ISebe leMfundo leNtshona Koloni (WCED) linemvumelwano yeminyaka emithathu yokuthenga ifanitshala nabathengisi ukuba babonelele ngefanitshala zonke izikolo ezikwiPhondo leNtshona Koloni. Le mvumelwano ibandakanya ii-ayithem eziyi-30 zefanitshala yesikolo kwikhatalogu eqhotyoshelweyo (IsiHlomelo A). Nakuba kunjalo, izikolo zinoku-odola kuphela kwilisti yee-ayithem ezicetyiswayo ezikwifom eqhotyoshelweyo iWCED 026A (IsiHlomelo B). |
| 1.3 |
Ii-ayithem zezixhobo zokusebenza ezikwifom WCED 026B (IsiHlomelo C) zipapashwe kwi-Trade World, ngokusebenzisa u-Sourcelink oyisistim yokuthenga ngekhompyutha. |
| 2. |
Inkqubo yokuthenga izixhobo zokusebenza nefanitshala yezikolo ezitsha |
| 2.1 |
I-ofisi yesithili semfundo mayenze irikhwizishini yesikolo esitsha ize iyingenise kwaNdlunkulu. Oku makwenziwe zingadlulanga iinyanga ezi-4 phambi kokuvulwa kwesikolo eso. |
| 2.2 |
La maxwebhu alandelayo makahambe kunye nesicelo ngasinye sezixhobo zokusebenza nefanitshala yesikolo esitsha:
- Ifom iWCED 026A ezalisiweyo yefanitshala
- Ifom iWCED 026B ezalisiweyo yezixhobo zokusebenza
- Ileta yemvume yokuvulwa kwesikolo esitsha
|
| 3. |
Inkqubo yokuthenga izixhobo zokusebenza nefanitshala yezikolo ezikhoyo (yokongezelela) |
| 3.1 |
Zonke izicelo zokuthenga izixhobo zokusebenza nefanitshala ezivela kwizikolo ezilolu hlobo mazingeniswe ungadlulanga owe-6 Februwari 2015 kumphathi weze-IMG ochaphazelekayo. |
| 3.2 |
Ifom iWCED 026A ezalisiweyo yerikhwizishini yefanitshala mayihambe kunye nesicelo sezixhobo zokusebenza nefanitshala (yokongezelela) ezingeniswa zizikolo ezikhoyo: |
| 3.3 |
Abalawuli bezithili zemfundo mabahlole iimfuno zefanitshala nezezixhobo zokusebenza (furniture needs) kuzo zonke iisekethe baze benze ilisti ebonisa ezona ayithem mazibekwe phambili (prioritised list) zingqinelaniswe nebhajethi ekhoyo. Le listi ebonisa ii-ayithem emazibekwe phambili mayithunyelwe kwiCandelo loMlawuli oyiNtloko wee-Ofisi zeZithili ungadlulanga owe-27 Februwari 2015 ngenjongo yokufumana imvume nokuba isayinwe. |
| 3.4 |
Ii-ofisi zezithili zemfundo mazazise izikolo ukuba ngaba izicelo zazo zibe yimpumelelo na, zifuna ukufakelwa izilungiso okanye azamkelwanga kusini na. |
| 3.5 |
ICandelo lokuXhasa amaZiko ngeZibonelelo liya kwenza ii-odolo zefanitshala eceliweyo kubathengisi ekuvunyelwene nabo ekuqaleni konyaka-mali omtsha. Abathengisi badla ngokuzizisa iimpahla zingadlulanga iiveki ezi-4 – 6 ukususela kumhla wokwenziwa kwe-odolo. |
| 3.6 |
Imvumelwano yefanisthala inethuba lewaranti yonyaka omnye kunye nale migqaliselo ilandelayo:
- Xa kukho imfuneko yoko, izikolo ezifumene ifanitshala eyonakeleyo mazazise uNdlunkulu ngokukhawuleza ngokungenisa ingxelo ebhaliweyo kule dilesi ye-imeyili ilandelayo: Jerome.Gordon@westerncape.gov.za
- Kwii-ayithem ezithi zonakele kwakunyaka wokuqala zifunyenwe sisikolo, iSebe iWCED malithetha-thethane nabathengisi ukwenzela ukuba benze amalungiselelo okuzitshintsha ngokukhawuleza kangangoko kunokwenzeka.
|
| 3.7 |
Izikolo mazinga-odoli fanitshala ngqo kubathengisi. Iintlawulo zee-odolo ezilolu hlobo ziya kuba zeze-akhawunti yesikolo. |
| 3.8 |
Izikolo esele zikho zicetyiswa ukuba zisebenzise isabelo sazo ngokweMimiselo neMigangatho yolwabiwo-mali lwaqho ngonyaka kunye neengxowa-mali zezikolo ukuthenga nokulondoloza izixhobo ze-ofisi nezinye izixhobo zokuncedisa ekwenzeni lula umsebenzi. |
| 4. |
Ulawulo lwefanitshala nezixhobo zokusebenza ezikolweni |
| 4.1 |
Izikolo maziseke ikomiti yokuthenga iimpahla neenkonzo eya kuba noxanduva lokugcina iirekhodi ezinengcaciso ehlaziywa qho yezixhobo zokusebenza nefanitshala. (Funda isikhokelo i-Basic Financial Systems for Schools.) |
| 4.2 |
Ifanitshala engasafunekiyo mayikhutshwe (written off) ize isuswe emva kokuba kuthathwe isigqibo soko kwintlanganiso yokuchithwa kweempahla. Imizuzu mayirekhode isigqibo esilolu hlobo size eso sigqibo senziwe sifumaneke ngeenjongo zokubekwa esweni. |
| 4.3 |
Ifanitshala eyaphukileyo esengalungiswa mayigcinwe kakuhle ukuthintela umonakalo ongaphezulu. |
| 4.4 |
Iirekhodi ze-inventri ezinengcaciso ehlaziyiweyo (ubhaliso lwabafundi beklasi nganye, izixhobo zokusebenza nefanitshala ekhoyo, izinto ezishotayo) ezingqina imfuneko yezinto ezifuna ukongezelelwa mazifumaneke kwakwenziwa isicelo soko. Ukwenzela ukukhusela ii-asethi ekwebiweni, ziyakhuthazwa izikolo ukuba zizifake uphawu (mark) zonke ii-ayithem zezixhobo zokusebenza nefanitshala, ngokukodwa izitulo zeplastikhi zeholo. |
ISAYINWE: NGU-M M HARKER
USEKELA MLAWULI-JIKELELE WOCWANGCISO LWEMFUNDO
UMHLA: 2014:10:07
|
 |