| 1. |
Kubalulekile ukuba zonke izicelo zothutho lwabafundi ukulungiselela uJanuwari 2015, zingeniswa kwangethuba ukuqinisekisa ukuba zinokuqaliswa kwangethuba ezi nkonzo zilolu hlobo. |
| 2. |
Apho kukho iimfuno yokuthuthwa kwabafundi abahlala kumgama oziikhilomitha ezi-5 okanye ngaphezulu ukusuka kwisikolo esifanelekileyo esisesona sikufutshane kwizithili ezisemaphandleni, masizaliswe yaye singeniswe kwisithili isicelo sesikim sokuthuthwa kwabafundi (LTS) esihamba kunye nezizathu ezivokothekileyo. |
| 3. |
Ukuqaliswa kwangethuba kweendlela ezintsha ukulungiselela uJanuwari 2015: |
| 3.1 |
Izicelo zeendlela ezintsha eziza kuqalwa ukususela ngoJanuwari 2015 mazingeniswe kuMphathi weKomiti yeSekethe yesikolo ungadlulanga owe-3 Oktobha 2014 ukuqinisekisa ukuba iinkonzo ezilolu hlobo ziqaliswa kwangethuba. |
| 3.2 |
Isithili masisingathe yaye sigqibezele zonke izicelo zeendlela ezintsha yaye masizingenise izicelo ezilolu hlobo kwicandelwana leLTS ukuze ziqwalaselwe nguMnu MJ Hendricks, uSekela-Mlawuli weLTS ungadlulanga owe-10 Oktobha 2014. |
| 4. |
Ukubandakanywa kwangethuba kwabafundi abongezelelweyo nokwandiswa kweendlela ukulungiselela uJanuwari 2015: |
| 4.1 |
Izicelo zabafundi abongezelelweyo kunye/okanye neendlela ezandisiweyo ukususela ngoJanuwari 2015, mazingeniswe kuMphathi weKomiti yeSekethe yesikolo ungadlulanga owe-17 Oktobha 2014 ukuqinisekisa ukuba bayavunywa kwangethuba abafundi abalolu hlobo yaye neenkonzo ziqaliswa kwangethuba. |
| 4.2 |
Isithili masisingathe yaye sigqibezele zonke izicelo zeLTS zabafundi abongezelweyo neendlela ezandisiweyo yaye masizingenise izicelo ezilolu hlobo kwicandelwana leLTS ukuze ziqwalaselwe nguMnu MJ Hendricks, uSekela-Mlawuli weLTS : ungadlulanga owe-31 Oktobha 2014. |
| 5. |
Ukubandakanywa kwangethuba kwabafundi beBakala R abaya kudlulela kwiBakala 1 ngo-2015: |
| 5.1 |
Abafundi beBakala R bavumeleke u-2014 kuphela kwesi skim sothutho lwabafundi. Izicelo ezitsha zeLTS mazingeniselwe bonke abafundi beBakala R abathuthwayo kungokunje nabaya kuba bedlulela kwiBakala 1 kwizikolo abakuzo ngoku ngo-2015. |
| 5.2 |
Izicelo zabafundi beBakala R abathuthwayo njengangoku nabaya kuba bedlulela kwiBakala 1 kwizikolo zabo zangoku mazingeniswe kuMphathi weKomiti yeSekethe yesikolo ungadlulanga owe-17 Oktobha 2014, ukuqinisekisa ukuba abafundi abalolu hlobo bavunywa kwangethuba yaye babandakanyiwe ngokunjalo. |
| 5.3 |
Isithili masisingathe yaye sigqibezele zonke izicelo zeLTS zabafundi beBakala R abathuthwayo ngoku nabaya kudlulela kwiBakala 1 kwizikolo abakuzo ngo-2015 size sizingenise izicelo ezilolu hlobo kwicandelwana leLTS ukuze ziqwalaselwe nguMnu MJ Hendricks, uSekela-Mlawuli weLTS ungadlulanga owe-31 Oktobha 2014. |
| 5.4 |
Kucelwa ufumane le shedyuli iqhotyoshelwe apha yenani labafundi beBakala R ababevunyiwe nababandakanyiweyo kwizikolo ezicacisiweyo (specified schools) ukulungiselela iindlela ezicacisiweyo (specified routes) ngo-2014. Izikolo ezicacisiweyo kule shedyuli maziqinisekise ukuba izicelo ezitsha zingeniswa njengoko kuchaziweyo apha ngasentla ngomfundi ngamnye oya kudlulela kwiBakala 1 kwizikolo abakuzo ngo-2015. |
| 6. |
Mayilandelwe ngokungqongqo le migqaliselo ikule ngcaciso imfutshane. |
ISAYINWE: NGU-M M HARKER
USEKELA MLAWULI-JIKELELE WOCWANGCISO LWEMFUNDO
UMHLA: 2014:09:26
|
 |