1. Die Nasionale Tesourie het transversaal kontrak RT5-2013 gesluit om deurlopende koerierdienste aan die nasionale en provinsiale staatsdepartemente te lewer. Die kontrak is vir 'n 2 jaar periode eindigende 31 August 2015 met die volgende diensverskaffer gesluit:

Kontrak-nommer: Skakel-persoon Adres Telefoonnommer Faksnommers E-posadres
Crossroad Distribution (Edms) Bpk h/a Skynet (Worldwide Express) Raymond Ngubane
Moses Mashilo		 Posbus 8807
Edenglen 1613		 0115861006
0823353692
0836802128		 0125861272 raymondn@skynet.co.za
mosesm@skynet.co.za
2. Hierdie diens is slegs vir hoogs uitsonderlike gevalle. Die normale posdienste wat deur die Hoofkantoor en Distrikskantoor-registrasies gelewer word, moet vir gewone pos gebruik word.

3. Indien enige van die Wes-Kaap Onderwysdepartement (WKOD)-direktorate of distrikskantore van die diens gebruik wil maak soos gespesifiseer in die huidige Nasionale Tesourie-kontrak RT 5-2013 CP, moet die volgende prosedure gevolg word:

  1. Skakel met die diensverskaffer en verkry 'n geleibrief (waybill) wat volledig deur die betrokke komponent ingevul moet word. Die volgende besonderhede moet voorsien word:
    • Naam van direktoraat/hoofdirektoraat/distrikskantoor;
    • Naam van skakelpersoon;
    • Straatadres;
    • Kamernommer en telefoonnommer van die kontakpersoon; en
    • Lêernommer waarop rekord gehou word van die koerierdienste vereis.

  2. Versoek die diensverskaffer om die item(s) wat gekoerier moet word dit te kom oplaai en om die faktuur vir die diens aan die skakelpersoon te stuur wat die diens versoek het.

  3. By ontvangs van die faktuur, verifieer die besonderhede vir korrektheid [sien paragrawe (a) en (b) hierbo] om te verseker dat die diens bevredigend gelewer is, en om te bepaal of die faktuur wel betaal kan word.

  4. Betaal die faktuur direk op BAS (Sundry Cycle-binne 30 dae).
4. Dit is belangrik om daarop te let dat die komponent wat die koerierdiens aangevra het, verantwoordelik is vir die betaling van die rekening en die hantering van enige moontlike navrae wat verband hou met enige bepaalde diens. Transversaal Nasionale Tesourie Kontrak RT5-2013 kan verkry word via die Nasionale Tesourie-webadres by http://www.treasury.gov.za/divisions/ocpo/ostb/contracts/default.aspx

5. Hierdie minuut vervang alle vorige minute in verband met koerierdienste.

6. Bring asseblief die inhoud van hierdie minuut onder die aandag van alle personeel.


GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:07:02