1. Die jaarlikse SNAP-opname vir gewone openbare skole is die eerste belangrike bron van inligting, en sal in die administrasie en bestuur van skole gebruik word, insluitende die voorraad van hulpbronne.

2. Die SNAP-opname vir openbare en onafhanklike gewone skole moet teen 28 Januarie 2014 deur die prinsipaal op die SOBIS voltooi en afgeteken word. Die vervaldatum vir IBB-bestuurders om die aanlyn SOBIS SNAP-opname se data af te teken is 31 Januarie 2014.

3. Onafhanklike skole word versoek om die opname op 'n harde kopie te voltooi en te reël vir die aflewering van die voltooide SNAP-opnamevorm wat teen nie later nie as 31 Januarie 2014 deur die prinsipaal en IBB-bestuurder geteken moet word.

4. Voor die aftekening op die SOBIS moet die prinsipale en hulle afgevaardigdes seker maak dat die volgende afgehandel is:
   1. Alle leerders wat geregistreer is en skool vir 2014 bywoon moet in hulle korrekte graad en klas op die SOBIS verskyn.

   2. Enige leerder wat ingeskryf het, maar nog nie teen 28 Januarie 2014 by u skool gearriveer het nie, moet gederegistreer word soos vereis deur die leerderteenwoordigheidsbeleid. (Hierdie leerders kan dan weer inskryf indien hulle na 28 Janurie 2014 vir toelating aanmeld.

   3. Die lys van opvoeders op die SOBIS moet opgedateer en geverifieer word, soos per die huidige situasie by die skool vir 2014, en hulle aanstellingstatus moet op die SOBIS-rekord bevestig word. 'n Personeel opsommingskerm op die SOBIS sal outomaties aangevul word deur gebruik te maak van die geverifieerde opvoedersdata. Die vasleggingskerms wat die aantal personeel by die skool aanmeld moet akkuraat voltooi word.

   4. Die aftekeningsafdeling van die opname moet voltooi word.

Leerderregistrasie vir die 2014 Jaarlikse Nasionale Assesserings word aan die einde van Februarie 2014 benodig. Prinsipale moet verseker dat die taalvakke en die taal van leer en onderrig korrek vasgevang is vir elke leerder voor die einde van Februarie 2014. Data aftekeningsverslae sal vanaf 14 Februarie 2014 voorsien word.

1. Die vakke wat deur alle graad 12-leerders geneem word moet nagegaan word vir korrektheid en teen 31 Januarie 2014 voltooi word vir aftekening. Die vakverandering-versoekfasiliteit vir graad 12-leerders sal slegs tot die einde van Januarie 2014 beskikbaar wees.

2. Die OBIS-data gehalte sal gekoppel wees aan die norme en standaarde oordragbetalings. OBIS-data nakomingsverslae sal vanaf Maart 2014 aan prinsipale beskikbaar wees op die SOBIS.