| 1. |
Die Kurrikulum en Assesseringsbeleidsverklarings (KABV) het ten doel om leerders te lewer wat in staat is om inligting te versamel, te analiseer, te organiseer en krities te evalueer, 'n proses wat ook bekend staan as inligtingsgeletterdheidsvaardighede. |
| 2. |
Inligtingsgeletterdheidsvaardighede is 'n internasionaal erkende vaardigheid wat leeders die vermoë leer om toegang tot inligting te verkry, te bekom, te evalueer en te gebruik vanuit 'n verskeidenheid inligtingsbronne om 'n kwessie of bestaande probleem op te los en skoolopdragte te voltooi. |
| 3. |
Ten einde skool- en navorsingsopdragte te voltooi, benodig leerders toegang tot feitlik korrekte inligtingsbronne. |
| 4. |
Die nuwe aanlyn lisensie van die Stad Kaapstad Biblioteek en -Inligtingsdienste bied sy geregistreerde biblioteekgebruikers sewe dae 'n week 24uur GRATIS toegang tot die Britannica Ensiklopedie. Dit sluit interaktiewe inligting in wat gereeld opgedateer word, en is via afgeleë toegang tot die internet van die huis af beskikbaar sowel as deur al die internetgebaseerde mobiele- en slimtoestelle. |
| 5. |
Die Britannica-diens is aangepas volgens die opvoedkundige vlak van die gebruiker. Die diens ondersteun ook diegene vir wie Engels 'n addisonele taal is deur inhoud te verskaf wat gepas is vir verskillende leesvaardighede. |
| 6. |
Die Wes-Kaap Onderwysdepartement moedig alle beamptes, onderwysers en leerders aan, wat binne die grense van die Stad Kaapstad woonagtig is, om by hulle naaste openbare biblioteek aan te sluit om toegang tot hierdie waardevolle hulpbron te verkry. |
| 7. |
Vir meer inligting oor hoe om toegang tot die Britannica Ensiklopedie te verkry, sien die aangehegte "How to guide" van die Stad Kaapstad. |
GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:09:18
|
 |