1. As werknemers van die Wes-Kaap Onderwysdepartement (WKOD), wil ons almal graag `n leeskultuur in ons skole en gemeenskappe ontwikkel. Prinsipale word dus aangemoedig om die geleentheid te gebruik wat aangebied word deur die Suid-Afrikaanse Boekeskou (SABS), om lees onder ons jongmense, hulle onderwyers en hulle ouers te bevorder.
2. Die SABS sal by vanaf 13 tot 15 Junie 2014 by die Kaapstadse Internasionale Konferensiesentrum gehou word, en sal talle geleenthede aanbied, insluitende voorlesings, boekbekendstellings, paneelbesprekings, seminare, werkswinkels en poppekas.
3. Die SABS sal oop wees vir die algemene publiek en skole vanaf 09:00 tot 18:00 daagliks, vanaf Vrydag, 13 Junie tot Sondag, 15 Junie 2014. Die toegangsgeld is R50 per dag vir volwassenes, R20 vir pensionarisse, en persone onder 18 kry gratis toegang.
4. Beamptes, onderwysers en leerders word aangemoedig om die Departement van Basiese Onderwys se stalletjie by die boekeskou te besoek waar die WKOD aan die tentoonstelling van die skoolbiblioteke, voorlesings en storievertelling sal deelneem.
5. Besonderhede van sekere geleenthede sal in die media asook op die volgende webtuiste verskyn: http://www.thebereed.co.za/southafricanbookfair/
6. Meer inligting oor die skou is aangeheg, of kontak Belinda Unterslak by die boekeskoukantoor by tel. no. 011 549 8300 of e-pos Belinda@ThebeReed.co.za


GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:05:22

"South African Bool Fair 2014 flyer"  (grootte: 130 KB)