1. Een van die doelwitte van die Kurrikulum- en Assesseringsbeleidsverklaring (KABV), is om die vermoe om inligting te "versamel, analiseer, organiseer en krities te evalueer", in leerders te kweek. Hierdie kritiese uitkoms van KABV, ook genoem inligtingsgeletterdheid, onderskryf hulpbrongebaseerde leer wat, onder andere, die aktiewe interaksie met baie leerhulpbronne, behels.

2. Om KABV suksesvol te implementeer, is dit belangrik dat 'n wye verskeidenheid biblioteekbronmateriaal, bykomend tot handboeke en leesboeke, beskikbaar gestel word vir daaglikse gebruik deur leerders.

3. Die Norme en Standaarde-toekennings vir skole maak voorsiening vir die aankoop van biblioteekhulpbronmateriaal (asook handboeke en leesboeke). Die volgende inligting soos voorsien in Omsendbrief 0048/2013, het betrekking hierop: Afdeling 3.1 adviseer/versoek dat skole 50% van hulle Norme en Standaarde-toekennings vir 2015, op LOOM spandeer waarvan 10% geoormerk moet word vir biblioteekmateriaal.

4. Biblioteekmateriaal sluit in, maar is nie beperk nie tot die volgende:

  • naslaanwerke (ensiklopediee, atlasse, woordeboeke, ens.);
  • nie-fiksiewerke (boeke wat inligting of feite bevat);
  • fiksiewerke (romans, kortverhale, fabels, legendes, prenteboeke, ens.);
  • plakkate en pamflette;
  • tydskrifte en koerante;
  • voorafopgeneemde oudiokassette, CD's, video's, DVD's en CD-ROM's; en
  • multimediapakette.
5. Die Wes-Kaap Onderwysdepartement (WKOD) se Onderwysbiblioteek- en Inligtingsdiens (EDULIS) het 'n span van gespesialiseerde evalueerders (Evalueerders: Kurrikulumhulpbronne) wat 'n wye verskeidenheid kurrikulumverwante hulpbronne vir skoolbiblioteke/ klaskamerbiblioteke/ mediasentrums, evalueer en aanbeveel.

6. Hierdie evaluerings kan help in die selektering van kwaliteit biblioteekmateriaal. Doelgemaakte lyste van die skoolbiblioteekmateriaal kan op versoek voorsien word. Die lys sal die titel, uitgewer, ISBN-nommer en geskatte prys van elke item aandui.

7. Om 'n doelgemaakte lys aan te vra, kan die skool Helene Johnston kontak by tel. no. 021 957 9620 of by helene.johnston@westerncape.gov.za

8. Na die selektering van die voorgestelde titles op die doelgemaakte lys, mag nie-artikel 12 skole die lys aan die WKOD-rekwisisievorm heg (WKOD 034: "REKWISISIE VIR BIBLIOTEEKMATERIAAL 2014/15"), en dit teen 25 April 2014 aan die LOOM-kantoor voorlę, die eerste datum wat, volgens Omsendbrief 0048/2013, uitgesit is vir die voorlegging van groot rekwisisies. Artikel 21 skole kan die lys gebruik om direk vanaf die verskaffers aan te koop.

9. Kontak Theresa de Young vir verdere navrae by 021 957 9638 of by Theresa.deyoung@westerncape.gov.za


GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:04:04