1. Die Departement van Kuns en Kultuur, in samewerking met die Biblioteek en Inligtingsvereniging van Suid-Afrika (LIASA), het besluit dat Suid-Afrikaanse Bibltioteekweek (SALW) vanaf 17-23 Maart 2014 gevier sal word met die tema, "Viering van Biblioteke in 20 jaar van Demokrasie: Teken in @ jou biblioteek"

2. Hierdie tema dien as 'n geleentheid om aandag op die volgende te fokus:
2.1 Viering van die rol van biblioteke tydens die 20 jaar van Suid-Afrikaanse demokrasie.
2.2 Uit te lig hoe biblioteke die reg tot vryheid van toegang tot inligting, soos vervat in die Handves van Menseregte, 'n werklikheid maak.
2.3 Verbetering van nasiebou en gemeenskaplike ontwikkeling deur die deure van leer vir almal oop te stel.
2.4 Beklemtoning dat biblioteke verlangde ruimtes het vir bevordering van geletterdheid deur die intellektuele en estetiese ontwikkeling van alle ouderdomme. Asook die voorsiening van toegang tot globale kennis en inligting in verskillende formate om navorsing te bevorder en nuwe kennis te skep.

3. Die Wes-Kaap Onderwysdepartement (WKOD) en LIASA se Belangegroep vir Skoolbiblioteke en Jeugdienste (SLYSIG,) moedig onderwysers en leerders aan om die Suid-Afrikaanse Biblioteekweek soos volg te vier:
3.1 Skoolbiblioteke en openbare biblioteke gedurende Biblioteekweek te besoek.
3.2 Om "selfies" (foto’s van hulself) te plaas en via een of meer van die volgende sosiale media platforms by biblioteke "in te teken" -

  • SLYSIG se Facebook bladsy: www.facebook.com/SLYSIG
  • SLYSIG se :Twitter "handle": @SLYSIG
  • LIASA News¡¦ Twitter "handle": @LIASANews
  • Readabook SA se Twitter "handle": @ReadaBookSA
  • WKOD-nuus se Twitter "handle": @WCEDNews
3.3 Die bywoning van die openbare geleentheid wat op Saterdag, 15 Maart 2014 om 10 vm in die Kompanjiestuin sal plaasvind om die Suid-Afrikaanse Biblioteekweek te loods. Die program sal storievertelling, speletjies en ander vorme van artistieke uitdrukkings oor biblioteke insluit en wat hulle beteken.

4. Onderwysers word ook aangemoedig om gebruik te maak van die (WKOD-Biblioteek- en Inligtingsdiens beskikbaar is. Dit sluit die EDULIS Biblioteekdiens (Hoofkantoor in Bellville, distrikhulpbronsentrums, mobiele biblioteke en kwartiere) en die EDULIS-skoolbiblioteekdiens in.
4.1 Die volgende Leer- en Onderrigondersteuningsmateriaal (LOOM) is beskikbaar vir individuele uitleen deur onderwysers, prinsipale en distriksbeamptes, of as bloklenings aan skole:

  • Inspirerende aktiwiteitsgebaseerde idees vir lesplanne en geletterdheids- en syfervaardigheid (vele hiervan kan gefotokopieer word);
  • 'n Wye reeks kurrikulumondersteuningsmateriaal;
  • 'n Baie groot versameling onlangs gepubliseerde boeke oor bestuur en leierskap;
  • Prikkelende materiaal ter ondersteuning van onderwysnavorsing en beleidsontwikkeling;
  • Materiaal wat kritieke kwessies soos geletterdheid en syfervaardigheid, insluiting, dissiplinere en gedragsprobleme, differensiasie, MIV/Vigs en fetale alkoholsindroom dek;
  • Leerdergefokusde materiaal *(insluitend prenteboeke en storieboeke vir alle ouderdomme vir gebruik gedurende leesperiodes), wat spesiaal geevalueer en geresenseer is om onderwysers te help om stof vir hulle skoolbiblioteke te kies;
  • Multimedia soos video's, DVD's, oudiokasette, CD's, CD-ROM's wat 'n wye reeks onderwerpe insluit om klasonderrig en -leer te verryk en te ondersteun.
4.2 Die volgende EDULIS en distriksbeamptes kan aangaande LOOM gekontak word:

Susan Hanekom EDULIS-biblioteek, Bellville tel. 021 957 9617
Cheryl Joseph Kuilsrivier Bronnesentrum,
Onderwysdistrik Metro-Oos		 tel. 021 900 5111
Ntombi Mngxuma Brian O’Connell Bronnesentrum,
Onderwysdistrik Metro-Suid		 tel. 021 370 2084
Jennifer Caroto Metro-Noord Bronnesentrum,
Onderwysdistrik Metro-Noord		 tel. 021 938 3197
Sara Clegg Makhosandile Ndzuzo Bronnesentrum,
Onderwysdistrik Overberg		 tel. 028 214 7387

5. Die volgende Skoolbiblioteekdienste isaan onderwysers en skole beskikbaar:

  • Evaluering en aanbeveling van kurrikulumverwante biblioteekhulpbronne om literatuur en syfervaardigheid te ondersteun;
  • Leiding in die aankoop van biblioteekhulpbronne deur gebruik te maak van Norme en Standaarde en eie fondse;
  • Die bevordering van lees deur skoolbesoeke om boekgesprekke te voer;
  • Orientasiesessies vir skoolpersoneel as deel van hulle professionele ontwikkeling;
  • Ondersteuning met katalogisering van biblioteek materiaal vir skoolbiblioteke;
  • Ondersteuning met die ontwikkeling van die gebruik van skoolbiblioteke; en
  • Die koördinering van en ondersteuning vir opleiding in basiese skoolbiblioteekadministrasie vir onderwysers in beheer van skoolbiblioteke.
6. Die volgende distriksbeamptes kan in verband met Skoolbiblioteekdienste gekontak word:

Faith Lawrence Skoolbiblioteekadviseur:
Onderwysdistrik Weskus		 tel. 021 860 1562
Janine Ontong Skoolbiblioteekadviseur:
Onderwysdistrik Kaapse Wynland		 tel. 023 348 4657
Sara Clegg Skoolbiblioteekadviseur:
Onderwysdistrik Overberg		 tel. 028 214 7387
Jennifer Caroto Skoolbiblioteekadviseur:
Onderwysdistrik Metro-Noord		 tel. 021 938 3197

7. Weens 'n gebrek aan skoolbiblioteekadviseurs in verskeie distrikte, en na aanleiding van talle versoeke van onderwysers vir skoolbiblioteekadvies, kan die volgende EDULIS personeel in Bellville in tussentyd gekontak word:

Rose Damon Waarnemende hoof: EDULIS
Onderwysdistrik Eden & Sentrale Karoo
Onderwysdistrik Metro-Oos		 Tel. 021 957 9626
Theresa de Young Koördineerder: Skoolbiblioteekadviseur:
Onderwysdistrik Metro-Sentraal
Onderwysdistrik Metro-Suid		 Tel. 021 957 9638

8. Skole met biblioteke word aangemoedig om by die plaaslike openbare biblioteek aan te sluit vir 'n koöperatiewe aktiwiteit tydens Biblioteekweek.


GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:02:25