1. Die Wes-Kaap Onderwysdepartement (WKOD) maak voorsiening vir die vervoer van leerders wat 5 kilometer of verder van hulle naaste geskikte gewone openbare skool af woon. Leerders wat geen toegang het tot openbare vervoer in landelike en verafgeleë areas nie, kry voorkeur. Die totale aantal leerders wat vervoer word hang, af van die beskikbare begroting.

2. Om die administrasie van leerdervervoerskemas te verbeter, sal die WKOD 'n verbeterde geoutomatiseerde stelsel invoer om die name van leerders wat tans vervoer word, te verifieer.

3. Die verbeterde geoutomatiseerde stelsel behels dat daar op die Sentrale Onderwysbestuursinligtingstelsel (SOBIS) aangedui word watter leerders van graad R tot 12 tans gebruik maak van leerdervervoer wat deur die WKOD befonds word. Dit sluit skole in waar die funksie van die verkryging van die leerdervervoer na die skool afgewentel is, en waar fondse om die diens te bestuur deur die WKOD aan die skool oorgedra word.

4. Daar word van skole verwag om, tussen 17 en 26 Maart 2014, toegang te verkry tot die SOBIS om die instruksies in die aanlyn prosedurehandleiding te volg, en aan te dui watter leerders tans toegelaat word om vervoer te word. Om toegang te verkry tot die aanlynhandleiding op die SOBIS moet skole die onderstaande stappe volg:

  • Gaan na die kieslysbladsy.("menu page");
  • Hou die merker op die "Administration"-opskrif; ("Learner Transport Scheme" sal in die lys verskyn.);
  • Hou die merker op die "Learner Transport Scheme"-opsie; ("LTS guide" sal in die lys verskyn); en
  • Kliek op "LTS guide".
5. Prinsipale moet verseker dat slegs leerders wat kwalifiseer ingevolge die bestaande leerdervervoerbeleid van die WKOD (Omsendbrief 25 van 2013), aangedui word.

6. Waar skole meer as een roete het, moet sorg gedra word dat leerders aan die korrekte roete en optelpunt, toegeken word.

7. Skole sal slegs die goedgekeurde maksimum aantal leerders (Graad R ingesluit) kan vaslê per leerdervervoerroete. Aansoek vir addisonele leerders moet via die betrokke onderwysdistrikskantoor op die voorgeskrewe aansoekvorm gedoen word.

8. Die vaslegging van leerdervervoerbesonderhede moet teen Woensdag, 26 Maart 2014 afgehandel wees.

9. Dit is verpligtend vir alle skole met leerdervervoerskemas wat deur die WKOD befonds word om die vereiste inligting op die SOBIS vas te lê.

10. Slegs leerders wat deur skole gesertifiseer is in die outomatisasieproses, mag voordeel trek uit die WKOD se leerdervervoerskemas. Skole en onderwysdistrikskantore sal die goedgekeurde leerders op SOBIS kan sien sodra die leerders suksesvol vasgevang is.

11. Voorsiening is gemaak om die WKOD 062-vorm (name van goedgekeurde leerders wat vervoer moet word) vanaf SOBIS te druk. Verdere details rakende hoe die SOBIS gegenereerde WKOD 062-vorm gebruik moet word sal mettertyd gekommunikeer word.

12. Die prinsipaal van die skool moet die leerdervervoerbesonderhede op SOBIS afteken.

13. Die volgende persone kan gekontak word vir hulp met die vaslegging van besonderhede van die leerdervervoerskema op SOBIS of i-SAMS:

Keith Lackay Tel. 021 467 2327
Roderick Biscombe Tel. 021 467 2135
Dion Seekoei Tel. 021 467 2143
Rhonell de Vries Tel. 021 467 2136
Catherine Ngamlana-Jara Tel. 021 467 9244


GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:03:03