| 1. |
Dit is belangrik dat alle aansoeke vir leerdervervoer vir Januarie 2015 vroegtydig ingehandig word om die tydige instelling van sodanige dienste te verseker. |
| 2. |
Waar behoeftes bestaan vir die vervoer van leerders wat 5 of meer kilometer vanaf hulle naaste geskikte skool in landelike distrikte woon, moet 'n volledige gemotiveerde leerdervervoerskema (LVS)-aansoek voltooi word en by die distrik ingedien word. |
| 3. |
Die tydige instelling van nuwe roetes vir Januarie 2015: |
| 3.1 |
Aansoeke om nuwe roetes wat vanaf Januarie 2015 ingestel word moet, teen 3 Oktober 2014, by die skool se Kringspanbestuurder ingedien word om te verseker dat sulke dienste betyds ingestel word. |
| 3.2 |
Die distrik moet alle LVS-aansoeke vir nuwe roetes verwerk en afhandel en sulke aansoeke, teen 10 Oktober 2014, indien by die LVS-subdirektoraat vir die aandag van mnr MJ Hendricks, Adjunkdirekteur: LVS. |
| 4. |
Die tydige insluiting van addisionele leerders en die uitbreiding van roetes vir Januarie 2015: |
| 4.1 |
Aansoeke vir addisionele leerders en/of die uitbreiding van roetes vanaf Januarie 2015 moet, teen 17 Oktober 2014, by die skool se Kringspanbestuurder ingedien word om te verseker dat sulke leerders en dienste betyds goedgekeur en ingestel word. |
| 4.2 |
Die distrik moet alle LVS-aansoeke vir addisionele leerders en die uitbreiding van roetes verwerk en afhandel en sulke aansoeke, teen 31 Oktober 2014, indien by die LVS-subdirektoraat vir die aandag van mnr MJ Hendricks, Adjunkdirekteur: LVS. |
| 5. |
Die tydige insluiting van huidige graad R-leerders wat in 2015 na graad 1 sal vorder: |
| 5.1 |
Graad R-leerders is slegs vir 2014 goedgekeur vir leerdervervoer. Nuwe LVS-aansoeke moet vir alle graad R-leerders ingedien word wat tans vervoer word en wat in 2015 by hulle huidige skole na graad 1 sal vorder. |
| 5.2 |
Aansoeke vir graad R-leerders wat tans vervoer word en wat by hulle huidige skole na graad 1 sal vorder moet, teen 17 Oktober 2014, by die skool se Kringspanbestuurder ingedien word om te verseker dat sulke leerders betyds goedgekeur en ingesluit sal word. |
| 5.3 |
Die distrik moet alle LVS-aansoeke vir graad R-leerders verwerk en finaliseer wat tans vervoer word en wat in 2015 by hulle huidige skole na graad 1 sal vorder en sulke aansoeke, teen 31 Oktober 2014, indien by die LVS-subdirektoraat vir die aandag van mnr MJ Hendricks, Adjunkdirekteur: LVS. |
| 5.4 |
Vind asseblief hierby aangeheg die skedule van die aantal graad R-leerders wat goedgekeur en ingesluit is by die spesifieke skole vir die gespesifiseerde roetes in 2014. Die skole wat op hierdie skedule aangedui word moet verseker dat nuwe aansoeke ingedien word, soos hierbo aangedui, vir elk van die leerders wat in 2015 by hulle huidige skole na graad 1 sal vorder. |
| 6. |
Die bepalings vervat in hierdie minuut moet streng nagekom word. |
GETEKEN: M M HARKER
ADJUNK-DIREKTEUR-GENERAAL: ONDERWYSBEPLANNING
DATUM: 2014:09:26
|
 |