| 1. |
Ukwenjenje iSebe leMfundo leNtshona Koloni (iSebe iWCED) lazisa bonke abathathinxaxheba ngokubaluleka koMntu osiSazi ngethuba leenkqubo zokugaya nokukhetha ooTitshala abakumaZiko, ngokweSahluko B, kumhlathi 3.3(b)(i) we-Personnel Administrative Measures and Provincial Education Labour Relations Council (PELRC) Resolution 1/2002). |
| 2. |
Ngethuba leenkqubo zokugaya nokukhetha ooTitshala abakumaZiko uMntu osiSazi kufuneka: |
| 2.1 |
Aqinisekise ukungqinelana nokubeka esweni kunye nokulandelwa kwenkqubo yokugaya nokukhetha abasebenzi eyenziwa ngobulungisa ngenene ingakhethi cala. |
| 2.2 |
Anike ingcebiso (xa kulungiswa imibuzo, enze uqeqesho ngenkqubo yokugaya abasebenzi) aze anike inkxaso (ngokunika uncedo nenkxaso kwinkqubo, kubandakanywa ukwabiwa kwamanqaku ngokwenkqubo yoBulungisa kwezeNgqesho) kwiphaneli eyenza udliwano-ndlebe. |
| 2.3 |
Axele naziphi na izitenxo neekhomenti ngeenkqubo ezilandelweyo kuMlawuli weSithili ochaphazelekayo nakuMlawuli wokuGaya nokuKhetha abasebenzi. Oku kufuneka kufakwe kwimizuzu yeentlanganiso, lubhalwe phantsi uhlobo lwesitenxo eso nenkqubo elandelweyo. |
| 2.4 |
Aququzelele inkqubo yokugaya abasebenzi:
- aqinisekise ukuba izizathu ezixhasayo ngaloo mgqatswa (ngabo bagqatswa) ukhethiweyo ziyayingqina njengeyenziwe ngobulungisa inkqubo yokutyumba (nomination);
- aqinisekise ukuba izizathu zokungafakwa/zokufakwa komgqatswa ngamnye ziyangqinelana neekhrayitheriya ezibekiweyo; aze
- asayine uluhlu lokutshekisha ukuba wanelisekile kukuqhutywa kwenkqubo ngokwemigaqo.
|
| 3. |
IsiHlomelo A esiqhotyoshelwe apha sishwankathela okulindelekileyo ngokunxulumene noMntu osiSazi nobuchule ekufuneka ebubonakalisile. |
| 4. |
Amabhunga olawulo ezikolo/iiphaneli zodliwano-ndlebe kufuneka ziyihloniphe indima yoMntu osiSazi njengommeli weSebe iWCED. |
| 5. |
Intsebenziswano yomntu wonke ochaphazelekayo iya kuqinisekisa impumelelo yalo msebenzi obaluleke kangaka. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:10:22
|
 |