1. |
Isiqendu uSection 6A of the Employment of Educators Act (EEA), 1998 (Act 76 of 1998) (uMthetho 76 ka-1998) ucacisa ngokuqeshwa isigxina kootitshala abasandula ukufumana iziqinisekiso zabo zobutitshala kungakhange kube kuqalwe kwapapashwa isithuba eso sixhaswa ngemali kuluhlu lwezithuba.
Utitshala osandula ukufumana isiqinisekiso sakhe sobutitshala ngumfundi okunyaka wokugqibela kunye/okanye ngutitshala oneziqinisekiso zamabanga emfundo ofumene iziqinisekiso zamabanga akhe emfundo kwiminyaka emibini edlulileyo nongazange afumane thuba lokuqeshwa kwisithuba sikatitshala kwingqesho karhulumente. |
2. |
Ukuqeshwa kwisithuba esisisigxina njengoko kucingwayo apha ngasentla kwenziwa ngokwesigqibo enelungelo lokusenza intloko yesebe lemfundo yephondo. |
3. |
Ootitshala abasandula ukufumana isiqinisekiso samabanga emfundo banako ke ngoko (ngoko nangoko) ukuqeshwa isigxina kungakhe kupapashwe zithuba, phantsi kwale miqathango elandelayo. |
3.1 |
Ukuqeshwa isigxina makwenziwe kwisithuba seNqanaba 1 esingenamntu esixhaswa ngemali kwaye isithuba eso masibhalwe kwizithuba ezitsha zootitshala ezabelwe izikolo ngo-2015. |
3.2 |
Utitshala osandula ukuphumelela izifundo zamabanga obutitshala:
- Kufuneka ubuncinane abe ngumfundi okunyaka wokugqibela onenjongo yokugqiba ibanga lemfundo yakhe engadlulanga u-2014, abe ngaloo ndlela sele efumene uqeqesho lobutitshala phambi kwe-01 Januwari 2015;
- aziphumeze iimfuno ezingummiselo zentsusa zesithuba ekuya kuqeshwa kuso; yaye
- abe ubhalisile kwiSouth African Council of Education (SACE).
|
4. |
Abatyunjelwe (nominations) ukuqeshwa isigxina mabathunyelwe kule dilesi elandelayo:
Recruitment and Selection Centre Western Cape Education Department Private Bag X9183 Cape Town 8000 |
5. |
Le ngcaciso kwakhona inika ithuba lokulandelwa kwale mimiselo yomgaqo-nkqubo elandelayo: |
5.1 |
Apho esi sithuba sitsha sabelwe iziko, oku kusenziwa ngokwenani lootitshala abaqeshwe kwiziko elo ukwenzela u-2015, isithuba esilolo hlobo sinokuzaliswa isigxina ngokwemimiselo ecaciswe apha ngezantsi. |
5.2 |
Amabhunga olawulo ezikolo neenqununu banokucela uluhlu lwabafumana ibhasari iFunza Lushaka kwicandelo lokuGaya nokuKhetha aBasebenzi (Recruitment and Selection) ukugaya nokukhetha abagqatswa abafanelekileyo ukuze bafumane ukuqeshwa. |
6. |
Kucelwa iinqununu ziqinisekise ukuba le ngcaciso emfutshane yaziswa amabhunga olawulo ezikolo nootitshala ukuze bakuthathele ingqalelo oku. |
7. |
Le ngcaciso emfutshane isebenza kwizikolo zikarhulumente eziqhelekileyo nakwizikolo zemfundo eneemfuno ezizodwa. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:09:16
|
|