| 1. |
INtloko yeSebe leMfundo ikuvumile ukutshintshwa kwengqesho yethutyana ibe yingqesho esisigxina kubaqeshwa benkonzo karhulumente. |
| 2. |
Ukutshintshwa kwengqesho yethutyana itshintshelwe kwingqesho esisigxina kwenziwa ngokwengqiqo yeNtloko yeSebe leMfundo leNtshona Koloni (WCED). |
| 3. |
Umqeshwa oqeshwe ithutyana ngumqeshwa kungokunje oqeshwe kwisithuba esingenamntu esivunyiweyo nesihlawulelwayo (approved substantive vacant post) noqeshwe ngokungesosigxina ithuba eliqingqiweyo. Le nkcazo ayisebenzi kubaqeshwa benkonzo karhulumente abaqeshwe kwizithuba zonyuselo-sikhundleni ezihlawulelwayo ezingenamntu njengababambeleyo (in an acting capacity). |
| 4. |
Ezi khrayitheriya zilandelayo zokutshintshwa kwemo yengqesho ukusuka kweyethutyana, itshintshelwe kwimo yengqesho esisigxina, zisebenza ukususela kwi-1 Agasti 2014: |
| 4.1 |
Inkqubo yotshintsho ivuleleke kwezi ndidi zilandelayo:
- UMabhalane;
- UMsebenzi Jikelele kunye
- noMsebenzi oncedisa kwiNdawo yokuHlala
|
| 4.2 |
Ingqesho esisigxina mayenziwe kwisithuba esingenamntu nesihlawulelwayo yaye isithuba masiboniswe kwinani lezithuba zengqesho zesikolo zango- 2014. |
| 4.3 |
Umqeshwa ochaphazelekayo makabe uqeshwe okwethutyana kwiinyanga eziyi-12 kwiSebe iWCED, apho umhla wokuqeshwa kwakhe ingumhla okanye uphambi komhla we-1 Apreli 2013. |
| 4.4 |
Kuya kuqwalaselwa kuqala, ukumataniswa nokufakwa kwizithuba kwabaqeshwa abangaphezulu kwemfuneko. |
| 4.5 |
Aziyi kuvunywa izicelo zokutshintsha ingqesho yethutyana ibe yingqesho esisigxina kumaziko apho abaqeshwa bachazwe njengabangaphezulu kwemfuneko (declared in excess). |
| 5. |
Umhla omisiweyo wokungeniswa kwezicelo ngowe-6 Juni 2014. |
| 6. |
Abaqeshwa abangesosigxina beNkonzo kaRhulumente abakumaZiko kwiindidi ezikhankanywe ku-4.1 abanqwenela ukufaka isicelo sokutshintshwa kwengqesho yethutyana yabo itshintshelwe kwingqesho esisigxina, mabangenise ifom Z83 form (ifom yesicelo somsebenzi) ezaliswe ngokupheleleyo neleta enezizathu ezixhasayo (a letter of motivation), nemayiqale idlule kwibhunga lolawulo lesikolo, kwiSebe iWCED. Izicelo mazithunyelwe kule dilesi ilandelayo:
Recruitment and Selection Centre
Western Cape Education Department
Private Bag X9183
Cape Town
8000 |
| 7. |
Zonke izicelo zokutshintsha ingqesho yethutyana ibe yingqesho esisigxina, ziya kuqwalaselwa kuphela xa ngaba zihamba kunye nengqinisekiso evela kwibhunga lolawulo lesikolo nakwinqununu echaphazelekayo yokuba akukho baqeshwa bangaphezulu kwemfuneko banokugayelwa ukuqeshwa kweso sithuba, ngokuzalisa iFom yokuNgqinisisa (Verification Form).
|
| 8. |
Ziyacelwa iinqununu ziqinisekise ukuba okuqulethwe kule ngcaciso imfutshane kwaziswa amabhunga olawulo ezikolo nabo bonke abaqeshwa benkonzo karhulumente abakwistafu sesikolo. |
| 9. |
Le ngcaciso imfutshane isebenza kwizikolo zikarhulumente eziqhelekileyo nakwizikolo zikarhulumente zemfundo eneemfuno ezizodwa. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:05:16
|
 |