| 1. |
Kule minyaka mithathu yokuqaliswa kokusetyenziswa kwekhompyutha kwiziCwangciso zoPhuculo lweSikolo (School Improvement Plans (SIPs)) kusoloko qho kukho utshintsho olungephi kunyaka ngamnye. Kucelwa niqaphele la malungiselelo alandelayo kwii-SIPs zika-2015: |
| 1.1 |
Kufuneka izikolo zikugqibe ukuzivavanya kwazo okwandulelayo nesicwangciso i-Action Plan ka-2015, nezo zinto zibonisa iProfayili yeSikolo (School Profile aspects) ezinganxulumene nee-academic targets, ekupheleni kwekota yesithathu. |
| 1.2 |
Lo mhla osekuqaleni ulungiselela ukuba:
- izikolo ziqalise ukucwangcisela u-2015;
- izithili zenze i-District Improvement Plan enika impendulo kwiimfuno nezicelo zezikolo; nokuba
- iphondo licwangcisele ukulungiselela amanani obhaliso (iiklasi nezixhobo, ootitshala neLTSM).
|
| 1.3 |
Isicwangciso i-Academic Performance Improvement Plan nezinye iithagethi ezinxulumene nezifundo (academic targets), ezinjengeethagethi zee-ANA (Annual National Assessments) neeMvavanyo zeNkqubo yezeMfundo yeSebe iWCED (WCED Systemic Evaluations), ziya kugqitywa zakuba iimvavanyo neziphumo zokuphela konyaka zifumaneka.
|
| 1.4 |
Ngokufanayo, iithagethi zokungabikho esikolweni (absenteeism) kufuneka nazo zinikwe akuba amanani ango-2014 efumaneka. |
| 1.5 |
ABaphathi beze-IMG baya kuziqwalasela baze baxoxe ngezicwangciso eziyidrafti (draft plans) kwaye banike ingcebiso, apho kufunekayo. |
| 1.6 |
Ii-capture screens ziya kutshixwa (locked) ekupheleni kwekota yesithathu ukwenzela ukuba kube nokucazululwa izicwangciso eziyidrafti, amanani obhaliso aqikelelweyo nezicelo zoncedo. |
| 1.7 |
Isistim iya kuvulwa kwakhona nge-3 Novemba 2014 ukwenzela ukuba izikolo zilungise amaxwebhu azo njengoko kuyimfuneko yaye ziqhubeke nokufaka idatha yezicwangciso zazo. |
| 1.8 |
Amanani obhaliso kwiSIP aya kuhlala e-"live" de isikolo siwasayinele kwiithagethi zaso ekupheleni kuka-Januwari 2015. |
| 1.9 |
Ekuqaleni kuka-2015, kuya kongezwa iziphumo zeemvavanyo zenkqubo yezeMfundo zeSebe iWCED zamaBakala 3, 6 no-9, neziphumo zeSatifikethi seMatriki sikaZwelonke zakubanje zifumaneka. |
| 1.10 |
Kubalulekile ukuba ii-academic targets zisekelwe kwinani labafundi kungabi kwiipesenti kuphela. Ukwenzela ukuncedisa kule nkqubo, i-online SIP for 2015, yenziwe ukuba isebenze (has been set up) ukwenzela ukuba xa izikolo zifaka u-PERCENTAGE PASS othagethiweyo, iNANI labafundi elingqinelana noko (corresponding NUMBER of learners), livele ngokuzenzekelayo kwikholam efanekileyo. |
| 2. |
Ukubekwa esweni kwale nkqubo qho ngekota okucwangciswe kakuhle nokuBeka eSweni uPhuculo lweSikolo (School Improvement Monitoring) kuya kwenziwa ezikolweni ngamagosa ezithili ngo-2015. |
| 3. |
Kucelwa wazise okukule ngcaciso imfutshane bonke abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2014:06:27
|
 |