| 1. |
Die Wes-Kaap Onderwysdepartement (WKOD) sal in 2015 3 Vakaturelyste vir inrigtinggebaseerde staatsdienspersoneel uitreik. |
| 2. |
Die publikasiedatums van hierdie Vakaturelyste, sowel as ander belangrike datums, is vervat in die aangehegte bylae. |
| 3. |
Alle vakante inrigtinggebaseerde staatsdiensposte moet geadverteer word in die Vakaturelyste soos aangedui in die bylae. |
| 4. |
Alle vakante/substantiewe poste in die kategorieë wat op die bylae gelys is sal getrek word vir publikasie uit die diensstaat van inrigtings binne die WKOD. Inrigtings hoef dus nie advertensieversoeke by die Direktoraat: Werwing en Keuring in te dien nie. |
| 5. |
Aansoeke moet voorgelê word op die wyse soos verduidelik in die voorwoord van elke Vakaturelys. |
| 6. |
Hierdie Vakaturelys sal deur die WKOD se Registrasie gesirkuleer word, en sal beskikbaar wees by die Instapsentrum van die WKOD se Hoofkantoor óf op die WKOD se webtuiste by http://wcedonline.pgwc.gov.za/. Kliek op "Vacancies" op die webtuiste se tuisblad. |
| 7. |
Die samewerking van almal betrokke sal die suksesvolle bestuur van die aanstellingsproses verseker en sal baie waardeer word. |
GETEKEN: PA VINJEVOLD
HOOF: ONDERWYS
DATUM: 2014:10:22
|
 |