1. |
Die Wes-Kaap Onderwysdepartement (WKOD) lig hiermee alle belanghebbendes in oor die belangrikheid van die Hulpbronpersoon tydens die werwings- en keuringprosesse van Inrigtinggebaseerde Opvoeders, ingevolge Hoofstuk B, paragraaf 3.3(b)(i) van die Personeel Administratiewe Maatreels en Provinsiale Raad op Arbeidsverhoudinge in die Onderwys (PRAVO) Resolusie 1/2002. |
2. |
Gedurende die werwings- en keuringprosesse vir Inrigtinggebaseerde Opvoeders moet die Hulpbronpersoon: |
2.1 |
Nakoming van die prosedurele en subsantiewe regverdigheid van die werwings- en keuringprosesse monitor en verseker. |
2.2 |
Leiding (met opstel van vrae, opleiding oor die werwingsproses voorsien) en ondersteuning (bystand en ondersteuning met die proses voorsien, insluitende Diensbillikheid ¡V puntetelling) aan die onderhoudpaneel voorsien. |
2.3 |
Enige onreelmatighede en kommentaar oor die prosesse wat gevolg is, aan die betrokke Distriksdirekteur en die Direkteur: Werwing en Keuring, rapporteer. Dit moet ook by die notules ingesluit word wat dan die aard van die onreelmatigheid en die proses wat gevolg is, dokumenteer. |
2.4 |
Fasiliteer die werwingsproses:
- Verseker dat die motivering vir die gekose kandidaat/kandidate die nominasie regverdig;
- Verseker dat die redes vir die uitsluiting/insluiting van elke kandidaat in ooreenstemming is met die vasgestelde kriteria; en
- Indien tevrede met die geldigheid van die proses, die kontrolelys onderteken.
|
3. |
Die aangehegte Bylae A omvat die verwagtinge aangaande die hulpbronpersoon, en die vaardighede wat hy/sy moet demonstreer. |
4. |
Skoolbeheerliggame/onderhoudpanele moet die rol van die Hulpbronpersoon, as 'n verteenwoordiger van die WKOD, respekteer. |
5. |
Die samewerking van alle betrokkenes sal die sukses van hierdie belangrike funkies verseker. |
GETEKEN: PA VINJEVOLD
HOOF: ONDERWYS
DATUM: 2014:10:22
|
|