| 1. |
Artikel 6A van die Wet op die Indiensneming van Opvoeders (WIO), 1998 (Wet 76 van 1998) maak voorsiening vir die aanstelling van nuut gekwalifiseerde opvoeders in 'n permanente hoedanigheid sonder dat die substantiewe pos in 'n vakaturelys geadverteer moes word.
'n Nuut gekwalifiseerde opvoeder is 'n finalejaarstudent en/of 'n gekwalifiseerde opvoeder wat gedurende die afgelope twee jaar gekwalifiseer het en nog nooit die geleentheid gehad het om 'n opvoederspos in die staatsdiens te beklee nie. |
| 2. |
Die aanstelling tot 'n permanente pos soos hierbo voorsien, is onderworpe aan die diskresie van die hoof van 'n provinsiale departement van onderwys. |
| 3. |
Nuut gekwalifiseerde opvoeders kan dus (onmiddellik), op die volgende voorwaardes, in 'n permanente hoedanigheid aangestel word sonder dat die pos geadverteer word. |
| 3.1 |
Die permanente aanstelling moet gemaak word vir 'n vakante substantiewe posvlak 1 pos en die pos moet in die nuwe diensstaat van die skool vir 2015 weerspieel word. |
| 3.2 |
Die nuut gekwalifiseerde opvoeder moet:
- Ten minste 'n finalejaarstudent wees met die oog daarop om hulle kwalifikasie teen die einde van 2014 te voltooi, dus om teen 01 Januarie 2015 professioneel gekwalifiseer te wees vir die onderwysberoep;
- aan die inherente vereistes van die pos voldoen waarin die aanstelling gemaak sal word; en
- geregistreer wees by die Suid-Afrikaanse Raad van Opvoeders (SARO).
|
| 4. |
Die nominasies vir aanstelling in 'n permanente hoedanigheid moet aan die volgende adres gestuur word:
Werwing- en Keuring-sentrum
Wes-Kaap Onderwysdepartement
Privaatsak X9183
Kaapstad
8000 |
| 5. |
Hierdie minuut maak ook voorsiening vir die volgende beleidmaatreëls: |
| 5.1 |
Waar 'n nuwe pos toegeken is aan 'n inrigting, via die hersiene diensstaat vir 2015, kan so 'n pos permanent gevul word volgens die maatreëls soos hierbo uiteengesit. |
| 5.2 |
Skoolbeheerliggame en prinsipale kan 'n lys van die Funza Lushaka-beurshouers versoek, vanaf die Werwing en Keuring komponent, om geskikte kandidate vir aanstelling te kies. |
| 6. |
Prinsipale word versoek om te verseker dat hierdie minuut onder die aandag van hulle skoolbeheerliggame en opvoeders gebring word. |
| 7. |
Hierdie minuut is van toepassing op gewone openbare skole en spesiale openbare skole. |
GETEKEN: PA VINJEVOLD
HOOF: ONDERWYS
DATUM: 2014:09:16
|
 |