| 1. |
Die Hoof van Onderwys het goedkeuring verleen vir die omskakeling van die tydelike aanstellings van staatsdienswerknemers na permanente aanstellings. |
| 2. |
Die omskakeling van 'n tydelike aanstelling na 'n permanente aanstelling is onderhewig aan die diskresie van die Hoof van die Wes-Kaap Onderwysdepartement (WKOD). |
| 3. |
'n Tydelike werknemer is 'n werknemer wat tans in 'n goedgekeurde substantiewe vakante pos in 'n tydelike hoedanigheid vir 'n geslote tydperk aangestel is. Hierdie definisie is nie van toepassing op staatsdienswerknemers wat in 'n waarnemende hoedanigheid in vakante substantiewe bevorderingsposte aangestel is nie. |
| 4. |
Die volgende kriteria vir die omskakeling van die aanstellingsstatus van tydelik na permanent is met ingang van 1 Augustus 2014 van toepassing: |
| 4.1 |
Die omskakelingsproses is oop vir die volgende kategoriee:
- Administratiewe Klerk;
- Algemene Assistent; en
- Huishoudingshulp
|
| 4.2 |
'n Permanente aanstelling moet in 'n vakante substantiewe pos gemaak word, en die pos moet ook in die diensstaat van die skool vir 2014 gereflekteer word. |
| 4.3 |
Die betrokke werknemer moet tans vir 12 maande in 'n tydelike hoedanigheid by die WKOD in diens wees met sy of haar aansteldatum voor of op 1 April 2013. |
| 4.4 |
Die passing en plasing van botallig werknemers neem voorkeur. |
| 4.5 |
Versoeke vir omskakeling sal nie by inrigtings goedgekeur word waar werknemers, op dieselfde vlak, oortollig verklaar is nie. |
| 5. |
Die sperdatum vir die indiening van aansoeke is 6 Junie 2014.
|
| 6. |
Tydelike Inrigtinggebaseerde Staatsdienswerknemers in die kategorieë wat in 4.1 genoem is wat aansoek wil doen vir die omskakeling van hulle tydelike aanstellings na permanente aanstellings, moet 'n voltooide Z83-vorm (aansoek vir aanstellingsvorm) sowel as 'n motiveringsbrief, via die skoolbeheerliggaam, aan Hoofkantoor voorsien. Aansoeke moet by die volgende adres ingedien word:
Werwing-en-keuringsentrum
Wes-Kaap Onderwysdepartement
Privaatsak X9183
Kaapstad
8000
|
| 7. |
Alle aansoeke vir die omskakeling van tydelike aanstellings na permanente aanstellings sal slegs oorweeg word indien dit vergesel word van 'n bevestiging vanaf die betrokke skoolbeheerliggaam en prinsipaal dat geen botallige werknemers vir aanstelling in die pos gewerf kon word met die voltooiing van die Verifikasievorm nie. |
| 8. |
Prinsipale word versoek om te verseker dat hierdie minuut onder die aandag van hulle skoolbeheerliggame en alle staatsdienswerknemers op hulle personeel gebring word. |
| 9. |
Hierdie minuut is van toepassing op gewone en spesiale openbare skole. |
GETEKEN: PA VINJEVOLD
HOOF: ONDERWYS
DATUM: 2014:05:16
|
 |