1. Die Verpligte Induksieprogram (VIP), wat vanaf 1 November 2012 in werking getree het, is van toepassing op werknemers wat ingevolge die Staatsdienswet van 1994 (Wet 103 van 1994) aangestel is, soos gewysig, op salarisvlakke 1 tot 14 in 'n produksievlak of toesighoudende/bestuursposisie, Beroepspesifieke Bedeling (BSB) of nie-Beroepspesifieke Bedeling pos, met ingang van 1 Julie 2012. Dit sluit werknemers in wat op 'n vaste termynkontrak aangestel is wat 2 jaar oorskry, of wat bedank het en weer, met ingang van 1 Julie 2012, aangestel is in die Staatsdiens.
2. Die Wes-Kaapse Regering (WKR) het 'n aantal uitdagings uitgespreek, ten opsigte van die implementering van die VIP, en daarom is daar besluit om eerder voort te gaan met die Staatsdiensinduksie (SDI)-program en die Senior Bestuursdiens (SBD) Induksieprogram, tot tyd en wyl duidelikheid verkry word vanaf die Minister vir Staatsdiens en Administrasie (MSDA) oor die sake wat verband hou met die VIP. Weens die onsekerhede, het 'n agterstand ontstaan van werknemers wat geen induksieprogramme in die provinsie bygewoon het nie. 'n Besluit is deur die WKG geneem om die agterstand dadelik uit te wis.
3. Aangesien die nie-voltooiing van die Induksieprogram daartoe sal lei dat proeftydperkaanstellings nie bevestig kan word nie, het die Wes-Kaap Onderwysdepartement (WKOD) 'n strategie ontwikkel om die agterstand uit te wis deur SDI-opleiding vir die geaffekteerde vierhonderd nege- en –dertig (439) WKOD skoolgebaseerde werknemers te reël, vanaf 25 Augustus 2014 tot 26 September 2014.
4. Dit sal waardeer word indien u die geaffekteerde werknemers by u skool of distrikskantoor kan vrystel om die 2-dag opleidingsessie by te woon. Vir hierdie doel, sal verdere besonderhede aan die betrokke instansies gekommunikeer word. Let asseblief daarop dat die induksie opleiding 'n deurlopende proses vir nuutaangestelde werknemers sal wees en besonderhede oor verdere opleiding intervensies sal, op 'n gereelde basis, aan die betrokke instellings gekommunikeer word.
5. Die proses sal gekoördineer word deur me Nobanele Patience Funani (e-pos NobanelePatience.Funani@westerncape.gov.za en tel. no. 021 467 2243) en mnr Lusapho Ndzongo (e-pos Lusapho.Ndzongo@westerncape.gov.za en tel. no. 021 467 2190) van Bemagtigingsdienste van mense in die Direktoraat: Strategiese Mensbestuur.
6. U samewerking sal waardeer word aangesien die tydraamwerk vir nakoming uiters beperk is.


GETEKEN: PA VINJEVOLD
HOOF: ONDERWYS
DATUM: 2014:08:22

"Public Service Act, 1994"  (grootte: 186 KB)