1. Die Wes-Kaap Onderwysdepartement (WKOD) kondig graag die beskikbaarheid van 66 buitengewone Funza Lushaka-beurse aan vir die 2015 akademiese jaar vir graad 12-leerders wat voorneem om tot 'n formele onderwyskwalifikasie te studeer.

2. Daar word deur die 2030 Nasionale Ontwikkelingsplan aanbeveel dat nuwe onderwysers gewerf word en staaf dat "beursprogramme vir voortgesette professionele ontwikkeling die gehalte van onderrig kan verbeter, en kan help om onderwysers te betrek en behou".

3. Die Nasionale Departement van Basiese Onderwys (DBO) het 'n beursprogram genaamd die Funza Lushaka Program, wat hoë presterende individue van volledig betaalde beurse voorsien om klasgelde, akkommodasie met maaltye, 'n handboektoelaag, notas en laboratorium fooie (waar van toepassing) dek, asook 'n maandelikse toelaag om basiese lewensuitgawes te dek.

4. Die Funza Lushaka Program is 'n multi-jaar program wat in 2007 van stapel gestuur is om onderwys in openbare skole te bevorder as die loopbaan van keuse vir bekwame en toegewyde Suid-Afrikaners. Die program loop plaaslik by drie hoëronderwysinstellings (HOI’s) in die Wes-Kaap, nl, die Universiteit van die Wes-Kaap, die Universiteit van Stellenbosch en die Cape Peninsula University of Technology.

5. In 2012, het die DBO 'n distriksgebaseerde werwingsprogram bekendgestel met die fokus op leerders vanaf arm gemeenskappe (Kwintels 1 – 3) om hulle by te staan om toegang tot die Funza Lushaka-beurse te verkry. Die WKOD, sal dus hierdie 66 buitengewone beurse slegs aan studente toeken wat bereid is om by skole in die landelike gebiede klas te gee, met inagneming van die behoeftes van die landelike onderwysdistrikte.

6. Die toekenning van die beurs is onderhewig aan die volgende voorwaardes:

  1. Die program sal studente befonds wat graag in die B Ed: Grondslagfase wil spesialiseer (Graad 1 - 3) of wat beplan om vir 'n BEd-graad te studeer, en wat in Wiskunde en/of Wetenskap spesialiseer.
  2. Die beurs word vir een akademiese jaar op 'n slag toegeken, en met bewys van akademiese sukses, kan dit elke jaar hernu word tot waar die ontvanger van die beurs as 'n onderwyser kwalifiseer.
  3. Daar sal van die beurshouer verwag word om teen die einde van Oktober van elke jaar vir die volgende jaar heraansoek te doen.
  4. Na afloop van die studiekursus sal van die beurshouer verwag word om by 'n skool in 'n landelike gebied vir 'n periode van een jaar vir elke jaar wat hulle die beurs ontvang het, klas te gee.
  5. 'n Afskrif van die aansoeker se Graad 11 uitslae van 2013 moet saam met die aanvanklike aansoek voorgele word.
7. Voornemende aansoekers moet aansoek doen vir toelating, en moet aan die toelatingsvereistes van die onderskeie HOI's, soos vermeld in paragraaf 4 voldoen. Die beurse sal op meriete deur die keurkomitee by die WKOD se Hoofkantoor in Kaapstad, op die volgende akademiese kriteria toegeken word:

  1. 'n "Toelating tot Baccalaureusgraad studies¡¨, slaag op graad 12 vlak;
  2. Ten minste 'n Vlak 4 slaag (50% slaagsyfer) in die vak waarin die aansoeker in die BEd-kurus wil spesialiseer; en
  3. Studente wat in die Grondslagfase wil spesialiseer, moet 'n slaag in Wiskunde of Wiskundige Geletterdheid op graad 12 vlak behaal. Verder word 'n Vlak 5 slaag (60% slaagsyfer) in die Huistaal vereis.
8. Die sluitingsdatum vir aansoeke is 31 Julie 2014. Skole kan die ansoekvorms verkry deur een van die volgende beamptes by die WKOD se Hoofkantoor te kontak:

  • Me Patience Funani, tel. nr. 021 467 2243
  • Mnr Lusapho Ndzongo, tel. nr. 021 467 2190
9. Bring asseblief die inhoud van hierdie minuut onder die aandag van u skool se graad 12-leerders.


GETEKEN: PA VINJEVOLD
HOOF: ONDERWYS
DATUM: 2014:06:09

"Funza Lushaka Bursary Programme 2014 Application Form"  (grootte: 78 KB)