1. Omsendbrief 0026/2008 aangaande die implementering van die Menslikekapitaalverlofbestuurstelsel (MK-VBS), verwys.
2. Dit is verpligtend vir prinsipale en bestuurders om die bywoningsregister daagliks op die MK-VBS vas te lê en teen 10:00 te voltooi. Dit laat alle bestuurders, op verskillende vlakke in die departement, toe om `n volledige oorsig van bywoning regdeur die stelsel te hê.
3. Die verfyning in doeltreffendheid van die MK-VBS, het die volgende verandering teweeg gebring: die verstekstelling vir alle werknemers in die Werknemerbywoningsregister van die MK-VBS is tans ingestel as 'teenwoordig'. Let asseblief daarop dat die verstekstelling in die Bywoningsregister, met ingang van 2 Mei 2014 na 'afwesig' sal verander.
4. Ten einde verslag te doen oor die bywoning van werknemers, moet die nuwe verstekstelling in die Bywoningsregister van 'afwesig' na 'teenwoordig' verander word, en dan gestoor word.
5. Vir enige navrae, kontak asseblief die MK-VBS hulptoonbank by 021 467 2035 of e-pos hclms.hclms@westerncape.gov.za


GETEKEN: PA VINJEVOLD
HOOF: ONDERWYS
DATUM: 2014:04:08