| 1. |
In die drie jaar sedert die aanvang van die aanlyn Skoolverbeteringsplan (SVP) is daar elke jaar 'n paar veranderinge aangebring. Let asseblief op die volgende reëlings vir SVP’s vir 2015: |
| 1.1 |
Skole moet hulle voorlopige skool selfevaluering en Aksieplan vir 2015, insluitende daardie aspekte van hulle Skoolprofiel wat nie na akademiese teikens verwys nie, teen die einde van die derde kwartaal voltooi. |
| 1.2 |
Hierdie vroeër datum stel:
- skole in staat om vir 2015 te begin beplan;
- distrikte in staat om 'n Distriksverbeteringsplan te ontwikkel wat op die behoeftes en versoeke van skole reageer; en
- die provinsie in staat om vir voorsiening, wat verband hou met die inskrywingsgetalle, te beplan (klaskamers en toerusting, onderwysers en Leer- en onderrigondersteuningsmateriaal).
|
| 1.3 |
Die Akademiese Verbeteringsplan en alle verwante akademiese teikens, soos teikens vir die Jaarlikse Nasionale Assesserings in die Wes-Kaap Onderwysdepartement (WKOD) se Sistemiese Evaluerings, sal voltooi word sodra toets- en eindjaarpunte beskikbaar is. |
| 1.4 |
Eweneens, moet die teikens vir afwesigheid voorsien word sodra die getalle vir 2014 beskikbaar is. |
| 1.5 |
Waar nodig, sal die IBB-bestuurders bystand verleen met die optrek van planne en raad gee. |
| 1.6 |
Die invoerskerms sal aan die einde van die derde kwartaal gesluit word om voorsiening te maak vir die analise van die opstelplanne, inskrywings se vooruitskatting en versoeke om bystand. |
| 1.7 |
Die stelsel sal op 3 November 2014 vir skole heropen om hulle dokumente te wysig, soos benodig, en om voort te gaan met die populasie van hulle planne. |
| 1.8 |
Inskrywingsyfers op die SVP sal "live” bly totdat 'n skool sy teikens aan die einde van Januarie 2015, afgeteken het. |
| 1.9 |
Aan die begin van 2015, sal die uitslae van die WKOD se sistemiese toetse vir graad 3, 6 en 9, en die Nasionale Senior Sertifikaat-uitslae bygevoeg word soos wat dit beskikbaar is. |
| 1.10 |
Dit is belangrik vir akademiese teikens om gebaseer te wees op die aantal leerders en nie net persentasies nie. Ten einde hierdie proses by te staan, is die aanlyn SVP vir 2015 opgestel sodat wanneer die skole die SLAAGPERSENTASIE wat geteiken is byvoeg, die ooreenstemmende AANTAL leerders, outomaties in die gepaste kolom sal verskyn. |
| 1.11 |
'n EXCEL-weergawe van die plan is aangeheg om te help met die voorbereiding van u 2015 SVP. |
| 2. |
In 2015 sal gestruktureerde kwartaallikse monitering (Skoolverbeteringsmonitering), deur distriksbeamptes, by skole uitgevoer word. |
| 3. |
Bring asseblief die inhoud van hierdie minuut onder die aandag van alle betrokkenes. |
GETEKEN: PA VINJEVOLD
HOOF: ONDERWYS
DATUM: 2014:06:27
|
 |