1. Skole word herinner dat die Skoolverbeteringsplan (SVP) teen 31 Januarie 2014 aanlyn voltooi moet wees. Die 2013 data sal die skoolverslag vir daardie jaar uitmaak.

2. Die datum vir die sluiting van die teikens vir Taal vir graad 3 sal verleng word om sodoende skole 10 skooldae te gee nadat die uitslae ontvang is.

3. In 2014, sal skole weer gevra word om die SVP Aksieplan en die algemene aanwysers teen middel November of vroeer te voltooi, om sodoende goeie beplanning vir 2015 te verseker.

4. Daar sal weer kwartaallikse Skoolverbeteringsmonitering (SVM) van die Skoolverbeteringsplanne vir hierdie jaar wees.

Die volgende fokus areas sal gemonitor word:

  • Vordering met die SVP
  • Werkboeke
  • Handboeke
  • Slaagkoerse vir graad 1 en 9
  • Bestuur (vergaderings met ouers, beplande onderwys en ondersteuning, die pas van vordering met leerplan, databestuur, bywoningsbestuur, aanstellings)
  • Tafels en stoele
  • Infrastruktuur
  • Finansiele bestuur
5. Die SVM moet elke kwartaal, deur albei die skool en distriksbeamptes, soos volg voltooi word :

Tydperk: Sperdatum
Kwartaal 1 Maandag, 24 Maart
Kwartaal 2 Vrydag, 20 Junie
Kwartaal 3 Vrydag, 26 September
Kwartaal 4 (twee datums) Vrydag, 31 Oktober EN Vrydag 28 November

6. Ten einde die monitering te vergemaklik, moet die volgende prosedures gevolg word:
6.1 Die moniteringfokusse (sien aangehegte bladsy) sal vir elke kwartaal in 'n minuut voorsien word.
6.2 Hierdie moniteringfokusitems sal vir aftekening verskaf word op die SOBIS onder "ADMINISTRATION"
6.3 Die prinsipaal sal response aanlyn vaslê.
6.4 Die IBB-bestuurders sal 'n afspraak maak om response te bespreek en die voltooide blad sal deur albei partye onderteken word.
6.5 Die prinsipaal sal op SOBIS afteken.
6.6 Een harde drukstuk sal deur die IBB-bestuurder bewaar word vir ouditeringsdoeleindes. 'n Tweede een sal by die skool gehou word.
6.7 Die IBB-bestuurder sal op Eduinfosearch afteken.

7. Enige navrae sal hanteer word deur die IBB-bestuurder.

8. Ons dank u vir u verbintenis tot gehalte onderwys.


GETEKEN: PA VINJEVOLD
HOOF: ONDERWYS
DATUM: 2014:01:24

Moniteringfokusse  (grootte: 40 KB)