| 1. |
I-National Policy on the Conduct, Administration and Management of the National Senior Certificate ngumgaqo-nkqubo ofuna ukuba amaSebe eMfundo amaPhondo aqinisekise ukuba bonke abagadi babaviwa baqeqeshwa ngokufanelekileyo ukuba baqhube iimviwo zeSatifikethi seMatriki sikaZwelonke (NSC), ezeSatifikethi seMatriki (SC) nezeSiqinisekiso seMfundo noQeqesho lwaBadala (ABET) ngokomgaqo-nkqubo okhoyo njengangoku. |
| 2. |
ISebe leMfundo leNtshona Koloni (iSebe iWCED) liya kuqalisa iprogram yoqeqesho yephondo eya kwenziwa kwiphondo liphela ukususela nge-01 Septemba 2014 ukuya kwi-02 Oktobha 2014 ukuqinisekisa ukuba zonke iinqununu/abaphathi bamaziko, abagadi babaviwa abaziintloko nabagadi babaviwa abaneqhuzu bawo onke amaziko okubhalela iimviwo bafumana uqeqesho olufanelekileyo; ngokungakumbi ekuphunyezweni kweenkqubo zeemviwo ezintsha eziqaliswe ngenjongo yokuphucula ukhuseleko nentembeko yenkqubo yeemviwo. |
| 3. |
Ngalo ka-2014, kunyanzelekile ukuba inqununu/umphathi weziko (umgadi wabaviwa oyintloko), amalungu ekomiti yolawulo lwesikolo (school management team (SMT)), umgadi wabaviwa oneqhuzu kunye namagosa esithili athatha inxaxheba ekuqhubeni, ekulawuleni nasekuphatheni iimviwo zeNSC, zeSC neze- ABET baye kwiseshoni yoqeqesho. |
| 4. |
Iinqununu/abaphathi bamaziko kunye neeSMT zabo baya kunikwa izinto zokuqhuba uqeqesho kwaye kuya kufuneka badlulisele uqeqesho nengcaciso abayifumeneyo kwabanye kuze kwabelwana ngayo kwiiseshoni zoqeqesho zephondo nabanye abagadi babaviwa. |
| 5. |
Ukuqaliswa kweenkqubo zeemviwo ezintsha zokuhanjiswa kwamaphepha emibuzo oviwo lweNSC nokulawulwa kweencwadi zeempendulo zoviwo kwenza uqeqesho lube lolunyanzelekileyo kuwo onke amaqela ukwenzela ukuqinisekisa ukuba kukho utshintsho olungenazimpazamo xa kutshintshelwa kwinkqubo entsha. |
| 6. |
Ngo-2013, inani elikhulu lezitenxo labangelwa kukuba iinqununu nabagadi babaviwa babengazange baye kwiiseshoni zoqeqesho zabagadi babaviwa. |
| 7. |
Okuqhotyoshelwe apha njengesiHlomelo A nokuthunyelelwayo yishedyuli ebonisa imihla yoqeqesho, amaxesha neendawo zoqeqesho kwisekethe nakwisithili ngasinye. Igosa lesithili, njengoko kubonisiwe kwishedyuli yoqeqesho, liya kuququzelela amalungiselelo okwenziwa koqeqesho. |
| 8. |
Kuya kugcinwa irejista yabo bezileyo kuqeqesho kuzo zonke iiseshoni zoqeqesho kwaye ukungezi kwezi seshoni kuya kujongwa ngeliso elibukhali. |
| 9. |
Kucelwa wazise okukule ngcaciso imfutshane bonke abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2014:08:25
|
 |