| 1. | Kucwangciselwa ukwenza iVeki yoKwazisa ngaMakhondo omSebenzi (Career Awareness Week) nge-20 – 24 Oktobha 2014 ukomeleza ulwazi lwabafundi lokwenza izigqibo ezizizo benolwazi malunga namakhondo omsebenzi abo exesha elizayo. Eli lithuba lootitshala besifundo soLwazi ngezoBomi lokugqibezela icandelo le-"World of Work" lesilabhasi yabo. |
| 2. | Iqela elithagethiweyo ngabafundi beSigaba saBadala (Senior Phase). |
| 3. | Injongo yale Veki yoKwazisa ngaMakhondo oMsebenzi kukwenza abafundi abakumaBakala 7- 9 bazi ngokubaluleka kokukhetha izifundo ezichanekileyo zeBakala 10. Ngale veki kukhuthazwa izikolo ukuba zigxininise kwimisebenzi eya kukhokela abafundi ukuba benze izigqibo ezizizo benolwazi malunga nokukhetha amakhondo omsebenzi abo exesha elizayo. |
| 4. | Bayakhuthazwa ootitshala besifundo soLwazi ngezoBomi ukuba bacwangcise imisebenzi yale veki egxininisa kwilizwe lempangelo (world of work). Kwezinye iimeko, imisebenzi enikwe abafundi apha enyakeni inokufikelela kuvuthondaba kule veki. |
| 5. | IBakala 7
Abafundi beBakala 7 banokugxininisa kwiprojekthi ethatha iveki eya kufikelela kuvuthondaba ngokwenziwa komsebenzi wesinxibo esingqinelana nekhondo lomsebenzi lowo (career dress-up activity). Oku kuthetha ukuba koku kuthatha kwabo inxaxheba kumakhondo omsebenzi exesha elizayo abo, abafundi baya kuza esikolweni benxibele ukumela amakhondo omsebenzi ekamva labo. Oku kufuneka kwenzeke ngeephiriyodi zesifundo soLwazi ngezoBomi. Makufundwe isiHlomelo A ukufumana iimbono ezingaphezu koku. |
| 6. | IBakala 8
Abafundi beBakala 8 kufuneka bagxininise kumsebenzi wamakhondo oya kwenza bakwazi ukuqaphela izinto abaneziphiwo zokwazi ukuzenza (strengths), iitalente zabo, izinto abangakwaziyo ukuzenza (limitations) nolwazi lwabo kwizifundo ezithile. Makufundwe isiHlomelo A ukufumana iimbono ezingaphezu koku. |
| 7. | IBakala 9
Kucelwa abafundi beBakala 9 bathathe inxaxheba kumsebenzi ongamakhondo omsebenzi, obandakanya ukuzaliswa kwekhweshine i-Career Self-exploratory Questionnaire. Le khweshine iyinxalenye yenkqubo yokulungiselela abafundi beBakala 9 ukuba bakhethe izifundo ezichanekileyo zeBakala 10. Le khweshine yenziwa yi-PACE Career Centre ukulungiselela injongo yokukhawulezisa ukuvuthwa ngengqondo kwabafundi ngakumba wamakhondo omsebenzi (career maturity of learners). Iziphumo ezafunyanwa kulo msebenzi wamakhondo omsebenzi wenziwa ngabafundi ngokwabo, zabonisa ukwanda okukhulu kwamanqanaba okuba nolwazi kwabafundi njengabathathi-nxaxheba (Advise and Refer Learners: NQF level 4, 2004). Makufundwe isiHlomelo B ukufumana isikhokelo ngokuzaliswa kwekhweshine. Izikolo ezikhethiweyo ziya kufumana ikhweshine ecacisa konke ngokwayo (self-explaration questionnaire) kwakunye neebrowutsha zokunika ingcebiso ngamakhondo omsebenzi. Bayacelwa ootitshala besifundo soLwazi ngezoBomi ukuba banike abafundi beBakala 9 ikhweshine leyo nokuba bacebisane nabazali babo ngamakhondo omsebenzi exesha elizayo besebenzisa iibrowutsha zokunika ingcebiso ngamakhondo omsebenzi. |
| 8. | Ukuba ufuna ingcaciso engaphezulu malunga noku, kucelwa uqhagamshelane noMnu J. Sitzer, onguMcwangcisi oMkhulu wesifundo soLwazi ngezoBomi kwiGET, kule dilesi ye-imeyili Joey.Sitzer@westerncape.gov.za okanye kule nombolo yefoni 021 467 2199. |
| 9. | Ziyacelwa iinqununu ukuba zazise okuqulethwe yile ngcaciso imfutshane bonke abasebenzi abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2014:09:16
