| 1. |
ISebe leMfundo leNtshona Koloni (iSebe iWCED) liza kufundisa izifundo eziza kusasazwa ngqo, kusetyenziswa i-interactive Telematic platform (izifundo ezisasazwa ngethekhinoloji yesathalayithi) ukuqala ngoFebruwari - Oktobha 2014. |
| 2. |
Ezi zifundo ngoFebruwari noMatshi ziya kwenzelwa abafundi abakwiBakala 12 njengangoku kunye nabaviwa abaza kubhala iimviwo zokuxabangela zeSatifikethi seMatriki sikaZwelonke (NSC). |
| 3. |
Abaviwa abaza kubhala iimviwo zokuxabangela bangaya kwezi zifundo ziza kusasazwa kwizikolo ezine-Telematic ezikufuphi neendawo abahlala kuzo (jonga isiHlomelo B ukukhangela ezi zikolo). Kufuneka aba baviwa beze kwezi zifundo nezinto zabo zokubhala. Abaviwa abangakwazi konke ukufikelela kuso nasiphi na isikolo esifakwe kuluhlu olukwisiHlomelo B bangathenga izifundo zokubanika inkxaso ezikwii-DVD ngexabiso elifikelelekayo kwiSebe iWCED ngokuthi bafonele u-EDUMEDIA apha 021 689 9536.
|
| 4. |
Ezi zifundo ziya kwenzelwa la mabakala ahlukeneyo ngolu hlobo lulandelayo:
| NgoFebruwari ukuya kuMatshi |
Abafundi beBakala 12 njengangoku kunye nabo babhala iimviwo zokuxabangela |
| Ngo-Apreli ukuya ku-Agasti |
AbeBakala 12 |
| NgoSeptemba ukuya kwi-1 Oktobha |
AbeBakala 10 |
| Ngo-Oktobha |
AbeBakala 11 |
|
| 5. |
Izifundo eziya kufundiswa zezi zilandelayo kumaBakala 11 no-12:
- IMathematika
- IiFizikhali Sayensi
- I-Akhawuntingi
- IJografi
- IiSayensi zoBomi
- IsiNgesi HL
- Isi-Afrikansi HL
|
| 6. |
IBakala 10 liya kufumana izifundo kwiMathematika nakwiiFizikhali Sayensi. |
| 7. |
IsiHlomelo A esiqhotyoshelwe apha sinika ithayimthebhile yezifundo. Izihloko zezifundo ziya kuprintwa kwiincwadana zabafundi. |
| 8. |
Abenzi-sasazo (presenters) ziincutshe zootitshala abakhethwe ngenxa yobungcali babo kwizifundo zabo. |
| 9. |
Njengoko izifundo ziqhutywa emva kweeyure zesikolo apha evekini, kubaluleke gqitha ukuba iinqununu zixoxe ngamalungiselelo nabazali babafundi bamaBakala 10, 11 no-12, kwakunye namabhunga olawulo azo. |
| 10. |
Ukuya kwezi zifundo kwabafundi kuya kubekwa esweni rhoqo nguNdlunkulu nangamagosa ezithili zemfundo. |
| 11. |
Kuya kulindeleka ukuba iinqununu zinike ingxelo qho ngeveki ngokuya kwabafundi kwezi zifundo kwakunye nempumelelo okanye ubunzima obabufumanayo malunga nale program. |
| 12. |
Ukongeza kwiishedyuli zamaxesha eziqhotyoshelwe apha, usasazo ngqo kusetyenziswa i-telematics kwiSebe leMfundo loMntla Koloni, lungabukelwa zizikolo zeSebe iWCED. Ezi shedyuli zamaxesha ziya kwaziswa izikolo zakuba zifumaneka. |
| 13. |
Ukuba ninayo nayiphi na imibuzo ngale nkqubo, kucelwa ningalibazisi niqhagamshelane noWalter Mercuur, kule nombolo yefoni 021 467 2630 okanye ngale dilesi ye-imeyili walter.mercuur@westerncape.gov.za |
| 14. |
Kucelwa iinqununu zezikolo ezingena-Telematics zikhuthaze kwaye zincedise abaviwa abaza kubhala iimviwo zokuxabangela ukuba basebenzise eli thuba lihle kangaka balinikwayo. |
| 15. |
Kucelwa iinqununu zazise okukule ngcaciso imfutshane ootitshala abachaphazelekayo; abafundi bamaBakala 10, 11 no-12 kunye nabazali babo okanye abagcini (guardians) babo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2014:02:07
|
 |