| 1. |
ISebe leMfundo leNtshona Koloni lizimisele ukuqinisekisa ukuba bonke abafundi bahlala benolwazi ngayo yonke imithombo yengcaciso enokubanceda bakwazi ukwenza izigqibo benolwazi. |
| 2. |
ISebe leMfundo ePhakamileyo noQeqesho, ngokubambisana neSouth African Qualifications Authority yaye lixhaswa liSebe leMfundo esiSiseko, livelise le ncwadana yabafundi beBakala 12, esihloko sithi "Apply Now!". |
| 3. |
Le ncwadana inika ingcaciso ngezifundo emva kokugqiba esikolweni (post-school studies) nangeenkqubo zobhaliso ezichaphazelekayo. Ixhasa isihloko esithi "Career and Career Choices", kwiCurriculum and Assessment Policy Statement (CAPS) yeSifundo soLwazi ngezoBomi. |
| 4. |
Iincwadana zephulo elithi Apply Now! ziya kusiwa kuzo zonke izikolo eziphakamileyo zikarhulumente eziqhelekileyo ukukhuthaza abafundi beBakala 12 ukuba benze izicelo kwangethuba zokwamkelwa kumaziko emfundo emva kokugqiba esikolweni. |
| 5. |
Iphulo elithi Apply Now! liyinxalenye yeNational Career Development Services (CDS) nelibandakanya le miba ibalulekileyo ilandelayo:
- Career Advice Helpline;
- Khetha radio programmes;
- Training and Support Services; and
- Career events, exhibitions and the annual Mandela Day Career Guidance Festival.
|
| 6. |
Kubalulekile ukuba abafundi bezikolo eziphakamileyo benziwe bazi ngokukhetha amakhondo omsebenzi (career choices) nokubaluleka kokuba benze izicelo zokufumana amabanga emfundo abawakhethayo bakuba begqibile esikolweni. |
| 7. |
Kucelwa iinqununu zazise okukule ngcaciso imfutshane bonke ootitshala beSifundo soLwazi ngezoBomi, ootitshala bezikolo namabhunga olawulo ezikolo ukuze bakuthathele ingqalelo. |
ISAYINWE: NGU-PP SATYO
OBAMBILEYO USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2014:06:03
|
 |