| 1. |
Ii-Annual National Assessments (ANAs) zicwangciselwe ukubhalwa ukususela nge-16 ukuya kwi-19 Septemba 2014 zizo zonke izikolo zikarhulumente eziqhelekileyo, izikolo ezizimeleyo ezixhaswa ngemali ngurhulumente nezikolo zemfundo eneemfuno ezizodwa ezithile. |
| 2. |
ISebe leMfundo esiSiseko (DBE) lenze isikhokelo sovavanyo sebakala nesifundo ngasinye (ULwimi neMathematika) esicacisa ikhontenti ebubuncinane yekharityhulam nemayifundwe ngabo bonke abafundi ngaphambi kokuba babhale iimvavanyo zabo. |
| 3. |
ISikhokelo soVavanyo simisela imida kumhlaba womsebenzi omawufikelelwe ngabo bonke abafundi ngaphambi kokubhala iimvavanyo kwibakala nakwisifundo ngasinye. ISikhokelo soVavanyo sika-2014 (2014 Assessment Guidelines) senziwe sangqinelana neNkcazo yoMgaqo-nkqubo weKharityhulam noVavanyo (Curriculum and Assessment Policy Statements (CAPS)). |
| 4. |
Iimvavanyo ziya kuba kumsebenzi omiselweyo kwiikota ezintathu zokuqala kunyaka wesikolo. Kubalulekile ukuqaphela ukuba iSikhokelo soVavanyo se-ANAs sika-2014 asithethi kuthi imihlaba emisiweyo yiyo kuphela emayifundiswe yaye ifundwe ngethuba lonyaka wokufunda. |
| 5. |
Kulindeleke ukuba ootitshala basisebenzise esi Sikhokelo soVavanyo kunye nezinye izibonelelo (resources) ukulungiselela iiprogram zabo zokufunda nokufundisa. |
| 6. |
Esi Sikhokelo sihanjiswa sikwifomathi eyidiski i-compact disk format kootitshala bezithili yaye sele sifakiwe kwiziko lewebhu loPhuhliso lweKharityhulam leSebe leMfundo leNtshona Koloni. Ukufikelela kwesi Sikhokelo kucelwa wenze oku: Yiya ku:
http://www.wcedcurriculum.westerncape.gov.za/
- Klikha ku-"Assessment Management",
- Klikha ku-"GET Assessment".
- Klikha ku-"Annual National Assessments".
- Klikha ku-"Annual National Assessments 2014" uze
- UKlikhe ku-"Annual National Assessments Guidelines 2014".
|
| 7. |
Ziyacelwa iinqununu nabacebisi ngezekharityhulam ukuba bazise ngokuqulethwe yile ngcaciso imfutshane bonke ootitshala abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2014:03:31
|
 |