| 1. |
Uviwo lweSatifikethi seMatriki sikaZwelonke (National Senior Certificate (NSC)) luya kubhalwa okokuqala ngqa ngokweeNkcazo zoMgaqo-nkqubo weKharityhulam noVavanyo (Curriculum and Assessment Policy Statements (CAPS)) ngo-2014. Oku kuthetha ukuba kuya kubakho utshintsho kwifomathi nekhontenti yamanye amaphepha emibuzo aya kusetwa ukususela ngo-2014 ukubheka phambili. |
| 2. |
ISebe leMfundo esiSiseko (Department of Basic Education (DBE)) linike amaSebe eMfundo amaPhondo isikhokelo soviwo ukunceda abaviwa beBakala 12 nootitshala xa belungiselela iimviwo zokuphela konyaka. |
| 3. |
Isikhokelo soviwo siya kufumaneka kweli ziko lewebhu leSebe leMfundo leNtshona Koloni (WCED) apha http://www.wcedcurriculum.westerncape.gov.za. Klikha ku-"Assessment Management / FET Assessment". Klikha ku-"Articles" kwibha esekhohlo. Klikha ku-"Examination Guideline Documents" ukuze uklikhe kwakhona kwi-link ukuze emva koko ukopele izikhokelo zeemviwo. |
| 4. |
I-CD equlethe esi sikhokelo soviwo iya kuthunyelwa kwisikolo ngasinye nakwi-ofisi yesithili semfundo nganye. |
| 5. |
Ziyacelwa ke ngoko iinqununu ukuba zazise ngale ngcaciso bonke ootitshala beBakala 12 nabaviwa. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2014:02:12
|
 |