| 1.1 |
UMgaqo-nkqubo ofakelwe imibandela i-National Norms and Standards for School Funding (Government Gazette No. 33973, Notice 48 attached) ucacisa ukuba kuya kusetyenziswa ii-Annual National Assessments (ANA) zeBakala 3 okanye zeBakala 6 ukujonga ngomlinganiselo impumelelo yabafundi kwizikolo ezizimeleyo ezo zikufaneleyo ukuxhaswa ngemali. |
| 1.2 |
Injongo yale ngcaciso imfutshane kukwazisa zonke izikolo ezizimeleyo ezixhaswa ngemali ngurhulumente ezifundisa iBakala 3 okanye iBakala 6 ukuba kufuneka zibhale ii-ANA ukususela nge-16 kuye kwi-19 Septemba 2014, njengoko kubonisiwe kwithayimthebhile eqhotyoshelweyo. Ii-ANA ziya kubhalwa ngabafundi nokuba ngabeBakala 3 okanye ngabeBakala 6 esikolweni, nokuba leliphi na ibakala esikolweni elilelona liphezulu. |
| 2. |
Iinkqubo phambi kokubhala ii-ANA |
| 2.1 |
Izikolo zazinikwe iNgxelo yoLwimi lokuFunda nokuFundisa Schools (Language of Learning and Teaching (LoLT) Report) kwi-Centralised Education Management Information System (CEMIS), yaye zaziceliwe ukuba ziqinisekise ukuba lugqitywe ngokuchanekileyo lonke ubhaliso lwabafundi engadlulanga u-Apreli 2014. Oku yayikukuqinisekisa ukuba abafundi babhala iimvavanyo zabo ngoLwimi lokuFunda nokuFundisa (Language of Learning and Teaching (LoLT)) oluchanekileyo kwisifundo nakwibakala. |
| 2.2 |
Amaphepha emibuzo aya kwenziwa iipasela aze asiwe ngokwengcaciso yobhaliso lwabafundi kwiCEMIS (CEMIS learner registration information.) |
| 3. |
Ukulungiswa kwendawo yokubhalela uvavanyo |
| 3.1 |
Iindawo ezikhethelwe ukubhalela ii-ANA mazilungiswe ubuncinane ngosuku olunye phambi kokubhalwa kovavanyo ngalunye. |
| 3.2 |
Iindonga zeklasi ekuxhonywe kuzo nantoni na enokunceda abafundi mazigqunywe okanye zisuswe izinto. |
| 3.3 |
Abafundi beBakala 3 banokuvunyelwa bazisebenzise izixhobo zokufunda (teaching aids) njengoko kumiselwe kwiNkcazo yoMgaqo-nkqubo weKharityhulam noVavanyo yeMathematika (Mathematics Curriculum and Assessment Policy Statement). Iindidi zezixhobo zokufundisa (teaching aids) zizinto ezifana nee-counters, iitshathi zika-100, imigca-manani ukuya kuzo naziphi na ezinye izixhobo abadla ngokuvunyelwa abafundi ukuba bazisetyenzise ukusombulula iqhina kwizibalo. |
| 3.4 |
Indlela yokuhlala kwindawo yokubhalela iimvavanyo mayilungiswe ngohlobo lokuba umfundi angabinako ukuwubona umsebenzi womnye umfundi. |
| 4. |
Inkqubo ngosuku lokubhalwa kwee-ANA |
| 4.1 |
Izikolo aziyi kuzinikwa iimakhishithi zee-ANA. Endaweni yoko izikolo ziya kucelwa ziziprinte ezi makhishithi kwi-CEMIS. Ziyacelwa ke ngoko izikolo zizikhuphele (download) yaye ziziprinte ezi makhishithi ngokuya ku-"Assessments", "ANA 2014", zize ziye ku- "ANA Mark Sheets" kwi-CEMIS. Imakhishithi yoLwimi neyeMathematika yeklasi nganye kwibakala elichaphazelekayo, mazikhutshelwe zize ziprintwe ungadlulanga owe-11 Septemba 2014. Iimakhishithi ziya kusetyenziswa njengerejista yokubakho kwabafundi kuvavanyo. |
| 4.2 |
Kwizikolo ezizimeleyo apho kukho ngaphezu kweklasi enye ebhala ii-ANA, inqununu mayenze amalungiselelo okuba abagadi babaviwa magade iiklasi xa kubhalwayo. Apho inye kuphela iklasi ebhala ii-ANA, uvavanyo luya kulawulwa ligosa lesithili semfundo. |
| 4.3 |
Iimvavanyo ze-ANA, kwakunye nerejista yokungabikho kwabafundi kuvavanyo, ziya kuthathwa ligosa lesithili semfundo kumasango esikolo kwangaloo mini inye yokubhalwa kwee-ANA yaye ziya kumakishwa kwiziko lokumakisha lesithili semfundo. |
| 4.4 |
Ziyacelwa iinqununu zezikolo ezizimeleyo ukuba zithathele ingqalelo okukule ngcaciso imfutshane yaye zikwazise okulapha kuyo bonke ootitshala nabafundi abachaphazelekayo ukuze bakuthathela ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2014:09:09
|
 |