| 1.1 |
Die laaste Senior Sertifikaat-eksamen gebaseer op die beleidsdokument, A résumé of instructional programmes in schools (Report 550), wat leerders met onvoltooide Senior Sertifikaat-krediete, asook volwasse leerders wat 21 jaar en ouer is, 'n geleentheid gebied het om 'n senior sertifikaat te behaal, is in Junie 2014 afgeneem. |
| 1.2 |
Op grond van die behoefte vir 'n kwalifikasie vir volwassenes wat gelykstaande is aan die huidige Nasionale Senior Sertifikaat (NSS), het die Minister van Basiese Onderwys egter die hersiening van die huidige Senior Sertifikaat-kwalifikasie goedgekeur sodat dit deur leerders aangebied kan word wat geen alternatiewe roete na Junie 2014 sal kan volg nie. |
| 1.3 |
Die gewysigde Senior Sertifikaat behou sy kwalifikasie struktuur, maar sal die Nasionale Kurrikulumverklaring (NKV) se vakke gebruik om die kwalifikasie te ondersteun. Dit beteken dat die Kurrikulum en Assesseringsbeleidsverklaring (KABV) se vakke as deel van die gewysigde Senior Sertifikaat aangebied sal word. |
| 1.4 |
Die eerste eksamen gebaseer op die gewysigde Senior Sertifikaat sal in Junie/Julie 2015 geskryf word. Alle Senior Sertifikaat-vakke wat voor Junie 2015 op hoër- en standaardgraadvlakke geslaag is, met die uitsluiting van laergraad-omskakelings, sal erken word. |
| 2. |
Toelating tot die gewysigde Senior Sertifikaat |
| 2.1 |
Die volgende kategorieë leerders sal kwalifiseer vir toelating tot die gewysigde Senior Sertifikaat:
Kategorie 1
Volwasse leerders wat 21 jaar en ouer is wat:
- 'n Algemene Onderwys en Opleidingsertifikaat (AOOS) vir Basiese Onderwys en Opleiding (BOOV) het; of
- graad 9 (Standerd 7) skoolrapport, wat staaf dat hulle graad 9 geslaag het; of
- 'n erkende gelykstaande kwalifikasie op NRF vlak 1 verwerf het wat twee amptelike tale vereis.
Kategorie 2
Volwasse leerders wat 21 jaar en ouer is met 'n onvoltooide Senior Sertifikaat-kwalifikasie.
Kategorie 3
Volwasse leerders wat 21 jaar en ouer is met 'n onvolledige Nasionale Senior Sertifikaat en wie se Skoolgebaseerde Assessering (SGA) se geldigheid verval het. Die 2008 en 2009 NSS-kandidate se SGA-punte sal in 2014 verval en daar sal van hierdie kandidate verwag word om die Junie 2015 Senior Sertifikaat-eksamen te skryf.
Kategorie 4
In uitsonderlike gevalle, jeug buite skoolverband wat 18 -21 jaar oud is, en wat weens omstandighede buite hulle beheer nie hulle skoolopleiding kon voltooi het nie, mits hulle:
- 'n Algemene Onderwys en Opleidingsertifikaat (AOOS) vir Basiese Onderwys en Opleiding (BOOV) het; of
- graad 9 skoolrapport, wat staaf dat hulle graad 9 geslaag het; of
- 'n erkende gelykstaande kwalifikasie op NRF vlak 1 verwerf het wat twee amptelike tale vereis en die goedkeuring van die Hoof van Onderwys verkry het.
|
| 3. |
Vakke wat in die gewysigde Senior Sertifikaat aangebied word. |
| 3.1 |
Die vakke hieronder wat deel is van die Kurrikulum- en Assesseringsbeleidsverklaring van die Nasionale Senior Sertifikaat, sal aangebied word as deel van die Senior Sertifikaat. Die vakke sal in wese die Kurrikulum en Assesseringsbeleidsverklaring van die Nasionale Senior Sertifikaat wees, uitsluitende die Skoolgebaseerde Assessering (SGA)-komponent. |
| 3.2 |
Elke kandidaat moet ses vakke aanbied ten einde te kwalifiseer vir die gewysigde Senior Sertifikaat. Volwassenes wat goedgekeurde Senior Sertifikaat-vakkrediete het, maar nie aan die sesvakpakket voldoen nie, moet die oorblywende vereiste vakke uit die volgende lys van 14 aangepaste Nasionale Senior Sertifikaat-vakke kies.
TABEL A: AMPTELIKE TALE BY HUIS EN EERSTE ADDISIONELE VLAK
| VAK |
NOMMER |
VAKKODE |
| Afrikaans Huistaal |
13300019 |
AFRHS |
| Afrikaans Eerste Addisionale Taal |
13310029 |
AFRFS |
| Engels Huistaal |
13300039 |
ENGHS |
| Engels Eerste Addisionele Taal |
13310049 |
ENGFS |
| Ndebele Huistaal |
13300059 |
NDBHS |
| Ndebele Eerste Addisionele Taal |
13310069 |
NDBFS |
| Xhosa Huistaal |
13300079 |
XHOHS |
| Xhosa Eerste Addisionele Taal |
13310089 |
XHOFS |
| Zulu Huistaal |
13300099 |
ZULHS |
| Zule Eerste Addisionele Taal |
13310109 |
ZULFS |
| Sepedi Huistaal |
13300119 |
SEPHS |
| Sepedi Eerste Addisionale Taal |
13310129 |
SEPFS |
| Sotho Huistaal |
13300139 |
SESHS |
| Sotho Eerste Addisionale Taal |
13310149 |
SESFS |
| Tswana Huistaal |
13300159 |
SETHS |
| Tswana Eerste Addisionele Taal |
13310169 |
SETFS |
| Swati Huistaal |
13300179 |
SWAHS |
| Swati Eerste Addisionale Taal |
13310189 |
SWAFS |
| Venda Huistaal |
13300199 |
TSVHS |
| Venda Eerste Addisionele Taal |
13310209 |
TSVFS |
| Tsonga Huistaal |
13300219 |
XITHS |
| Tsonga Eerste Addisionele Taal |
13310229 |
XITFS |
TABEL B1: LANDBOU
| VAK |
NOMMER |
VAKKODE |
| Landbouwetenskap |
10320239 |
AGRSS |
TABEL 2: BESIGHEID, HANDEL EN BESTUURSTUDIES
| VAK |
NOMMER |
VAKKODE |
| Rekeningkunde |
12320249 |
ACCNS |
| Besigheidstudies |
12320259 |
BSTDS |
| Ekonomie |
12320269 |
ECONS |
TABEL B3: MENSLIKE EN SOSIALE STUDIES
| VAK |
NOMMER |
VAKKODE |
| Geografie |
16320279 |
GEOGS |
| Geskiedenis |
16320289 |
HISTS |
| Relegiestudies |
16320299 |
RLGSS |
TABEL B4: FISIESE, WISKUNDIGE, REKENAAR- EN LEWENSWETENSKAPPE
| VAK |
NOMMER |
VAKKODE |
| Rekenaartoepassingstegnologie |
19320309 |
CATNS |
| Inligtingstegnologie |
19320319 |
INFTS |
| Lewenswetenskappe |
19320329 |
LFSCS |
| Wiskundige Geletterdheid |
19320339 |
MLITS |
| Wiskunde |
19320349 |
MATHS |
| Fisiese Wetenskappe |
19320359 |
PHSCS |
|
| 3.3 |
Die Kurrikulum- en Assesseringsbeleidsverklaring vir die bogelysde Senior Sertifikaat-vakke is beskikbaar op die Departement van Basiese Onderwys se webtuiste www.education.gov.za op die Tuisblad onder CAPS, FET Phase. |
| 4. |
Vakke wat erken sal word |
| 4.1 |
Senior Sertifikaat-vakkrediete vir vakke wat voor Junie 2015 op hoër- en standaardgraadvlakke geslaag is, uitgesluit Laergraad-omskakelings, sal erken word. |
| 4.2 |
Met die uitsondering van Business English N3 Eerste en Tweede Addisionele Taal, en/of Sake Afrikaans N3, Eerste en Tweede Taal, sal geen N3-vakke erken word nie. |
| 4.3 |
In die geval van leerders wat die Nasionale Senior Sertifikaat-eksamen geskryf het, maar nie in staat was om al die vakvereistes te voltooi nie en wat die drie jaar geldigheidstydperk vir die Skoolgebaseerde Assessering (SGA) uitgeput het, sal sulke kandidate se vorige krediete, met die uitsondering van Lewensoriëntering, erken word. |
| 5. |
Gewysigde Senior Sertifikaat-eksamen |
| 5.1 |
Kandidate wat kwalifiseer vir die skryf van die gewysigde Senior Sertifikaat-eksamen sal die eksamen in Junie/Julie 2015 skryf. |
| 5.2 |
Kandidate wat die gewysigde Senior Sertifikaat-eksamen skryf, sal vrygestel word van 'n Skoolgebaseerde Assesering. Dit beteken dat die eksaminering in die vak 100% van die finale punt sal uitmaak. |
| 6. |
Registrasie vir die Junie/Julie 2015 Senior Sertifikaat-eksamen |
| 6.1 |
Registrasie vir die Junie/Julie 2015 Senior Sertifikaat-eksamen het geopen op 1 Oktober 2014 en sal op 15 Januarie 2015 sluit. |
| 6.2 |
Registrasie vir die Senior Sertifikaat-eksamen sal vanaf 1 Oktober 2014 elektronies geadministreer word via 'n aanlyn fasiliteit op die Wes-Kaap Onderwysdepartement (WKOD) se webtuiste. |
| 6.3 |
Kandidate kan op die WKOD se webtuiste http://wcedonline.pgwc.gov.za/home/ registreer deur die stap-vir-stap riglyne te volg wat voorsien word. |
| 6.4 |
Jeug buite skoolverband, 18-21 jaar (kategorie 4 hierbo), moet Bylae A voltooi en dit indien met die versoek om goedkeuring te verkry van die Hoof: Onderwys om vir die Senior Sertifikaat-eksamen in te skryf. Voltooide aansoekvorms en ondersteunende dokumente kan via e-pos gestuur word aan examregistrations@westerncape.gov.za of gefaks word na 021 461 5637, teen nie later nie as 30 November 2014. |
| 6.5 |
Kandidate wat Rekenaartoepassingtegnologie (RTT) of Inligtingtegnologie (IT) as 'n vak kies, moet 'n brief indien wat bevestig dat die sentrum waar hulle vir onderig geregistreer is, die nodige rekenaarfasiliteite het om die RTT en IT praktiese eksamen te administreer. |
| 6.6 |
Alle inrigtings wat onderrig aanbied aan kandidate buite skoolverband vir die Senior Sertifikaat-eksamens, sal verantwoordelik wees vir die registrasie van hulle kandidate vir die Junie/Julie Senior Sertifikaat-eksamen by die volgende webadres: https://exams-admin.westerncape.gov.za. Sentrumbestuurders sal voorsien word van 'n gebruikersnaam en wagwoord. |
| 7. |
Voorbereiding vir die 2015 Senior Sertifikaat-eksamen |
| 7.1 |
Aangesien die kurrikulum 'n jaarprogram is, moet leerders wat van voorneme is om die 2015 Senior Sertifikaat-eksamen te skryf, dadelik met die voorbereidings vir die eksamens begin. |
| 7.2 |
Leerders mag die Kurrikulum- en Assesseringsbeleidsverklaring (KABV) vir die betrokke vak vanaf die DBO se webwerf verkry. Voorbeeldvraestelle wat op die KABV gebaseer is, asook die KABV-handboekkatalogus, is ook beskikbaar op die DBO en WKOD se webtuistes. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:10:15
|
 |