| 1. |
Voltooiing van SGA, PAT en Taal-mondelinge punteblaaie |
| 1.1 |
Die gerekenariseerde punteblaaie vir die SGA, PAT en Taal-mondelinge assesserings vir alle vakke, behalwe vir Siviele Tegnologie, Dansstudies, Ontwerp, Dramatiese Kunste, Elektriese Tegnologie, Ingenieursgrafika en Ontwerp, Meganiese Tegnologie, Musiek, Unisa Musiek, Trinity Musiek en Visuele Kunste is ingesluit. Punteblaaie vir die voorafgenoemde vakke word direk aan die Senior Kurrikulumbeplanner (SKP) by Hoofkantoor gestuur. |
| 1.2 |
Prinsipale moet seker maak dat hulle al die vereiste punteblaaie ontvang het, asook die toepaslike kontrolelyste. |
| 1.3 |
Let asseblief daarop dat slegs een afskrif van elke punteblad vir voltooiing voorsien word. Dit is dus uiters belangrik dat afskrifte van punteblaaie deur die skool gemaak word en vir rekorddoeleindes bewaar word. |
| 1.4 |
Maak asseblief seker dat die modereringskedules voltooi en beskikbaar is vir die kurrikulumadviseurs (KA), op die dag van moderering. Vakonderwysers moet slegs die ongemodereerde punt in die "Punte"-kolom invul. |
| 1.5 |
Slegs na die finale moderering van elke vak, moet gemodereerde punte korrek deur die KA oorgedra word na die "Mod"-kolom van die SGA-punteblaaie. |
| 1.6 |
Indien u skool die gerekenariseerde punteblaaie slegs na die modereringproses ontvang, moet die nodige reëlings met die KA getref word vir die voltooiing van die punteblaaie. |
| 2. |
Toekenning van SGA, PAT en Taal-mondelinge punte |
| 2.1 |
'n Punt moet toegeken word aan elke kandidaat wie se eksamennommer op die punteblad verskyn. |
| 2.2 |
Dit geld ook vir kandidate wat:
- geskors of tydelik geskors is van die skool;
- aansoek gedoen het vir 'n sentrumverandering;
- afwesig was vir 'n lang periode gedurende die jaar;
- afwesig was op die dag van moderering;
- geregistreer is vir 'n vak by 'n ander skool of sentrum, bv. 'n kunssentrum; en
- geregistreer is as herhalers/deeltydse kandidate.
|
| 3. |
Agterstallige punte (Kandidate wat afwesig was en diegene wat nie SGA, PAT en Taal-mondelinge punte het nie) |
| 3.1 |
Indien 'n leerder in gebreke bly om 'n komponent of komponente van die SGA, PAT en Taal-mondelinge in die loop van die jaar aan te bied, en geldige redes verskaf word, moet die leerder nog 'n geleentheid gegun word om in die toegewysde take geassesseer te word of, die leerder moet, binne drie weke voor die aanvang van die finale jaareindeksamen van die betrokke graad die uitstaande werk inhandig. Indien dit nie moontlik is nie, moet die punt vir daardie komponent van die SGA, PAT en Taal-mondelinge komponent nie in ag geneem word nie en die maksimum punt, in hierdie spesifieke geval, moet weer bereken word op grond van die oorblywende aantal take. (Verwys na Tabel 1.)
Tabel 1: Geldige rede (SGA, PAT en Taal-mondelinge komponente van vak met leerder se punte):
| |
Kompo-nent 1 |
Kompo-nent 2 |
Kompo-nent 3 |
Kompo-nent 4 |
Kompo-nent 5 |
Kompo-nent 6 |
Kompo-nent 7 |
| Maks. punte |
5 |
5 |
30 |
20 |
40 |
40 |
40 |
| Leerder |
4 |
Het nie aangebied nie (Geldige rede verskaf) |
16 |
Het nie aangebied nie (Geldige rede verskaf) |
20 |
15 |
12 |
| |
SGA-punt |
= (4+16+20+15+12)/(5+30+40+40+40)
= 67/155
= 43% |
|
| 3.2 |
Indien 'n leerder in gebreke bly om 'n komponent of komponente van die SGA, PAT en Taal-mondelinge aan te bied, sonder 'n geldige rede, sal die leerder drie weke gegee word voor die aanvang van die finale jaareindeksamen van die betrokke graad, om die uitstaande werk in te dien. Die leerder moet 'n nul-punt ("0") vir so 'n komponent of komponente toegeken word, met dien verstande dat, indien alle komponente 'n nul-punt ("0") toegeken word, die leerder 'n onvolledige punt sal ontvang, wat as afwesig aangeteken sal word (verwys na Tabel 2).
Tabel 2: Geen geldige rede nie (SGA, PAT en Taal-mondelinge komponente van vak met leerder se punte):
| |
Kompo-nent 1 |
Kompo-nent 2 |
Kompo-nent 3 |
Kompo-nent 4 |
Kompo-nent 5 |
Kompo-nent 6 |
Kompo-nent 7 |
| Maks. punte |
5 |
5 |
30 |
20 |
40 |
40 |
40 |
| Leerder |
4 |
Het nie aangebied nie (Nie geldige rede verskaf nie) |
16 |
Het nie aangebied nie (Nie geldige rede verskaf nie) |
20 |
15 |
12 |
| |
SGA-punt |
= 4+0+16+0+20+15+12)/(5+5+30+20+40+40+40)
= 67/180
= 37% |
|
| 3.3 |
Die volgende scenario's moet beklemtoon word ten opsigte van die voltooiing van die punteblaaie (Bylae A): |
| 3.3.1 |
Waar 'n kandidaat geen take afgehandel het nie, maar 'n geldige rede verskaf het, voeg "999" op die punteblad in. Bewys van geldige rede(s) moet aan die KA verskaf word by die modereringsessie en aan die Direktoraat: Eksamenadministrasie gestuur word.
Implikasies van "999":
- Kandidaat sal 'n onvoltooide uitslag ontvang, selfs al word die ander eksamenvraestelle geskryf.
- Kandidate met "999" sal drie kalendermaande gegun word na die vrystelling van die uitslae om SGA en/of PAT/Taal-mondelinge punte voor te lê. Versuim om uitstaande SGA, PAT en Taal-mondelinge punte binne drie kalendermaande na die vrystelling van uitslae voor te lê, sal daartoe lei dat die kandidaat die volledige vak moet herhaal.
|
| 3.3.2 |
Waar die kandidaat geen take afgehandel het nie en geen geldige rede verskaf is nie, voeg "444" op die punteblad in. So 'n kandidaat sal 'n onvolledige uitslag ontvang en moet die vak herhaal, insluitende SGA, PAT en Taal-mondelinge in die daaropvolgende NSS eind-eksamen. Die kandidaat mag nie die aanvullende eksamen skryf nie. |
| 3.3.3 |
Vakveranderinge wat nie goedgekeur is nie sal as onreëlmatighede beskou word. Voeg "888" in die puntekolom en motiveer met 'n voltooide Bylae B-vorm. Die diskresie aangaande die uitsale van die leerder sal na die Onderwyshoof geneem word. |
| 3.3.4 |
Gebaseer op die bogenoemde, sal geen punt tussen "000" en "005" aanvaar word nie. |
| 4. |
Kandidate met spraak en/of gehoorgebreke
Kandidate met spraak en/of gehoorgebreke moet, in plek van die mondelinge punt, 'n pro rata punt ontvang, gebaseer op die punte wat hulle in hulle geskrewe werk behaal het vir die Junie en September 2014 eksamen. |
| 5. |
Herhalerkandidate
Kandidate wat die Nasionale Senior Sertifikaat-kwalifikasie of 'n vak herhaal, en nie aan die vereiste SGA, PAT en Taal-mondelinge vereistes voldoen het nie, kan toegelaat word om die punte wat hulle in die SGA, PAT en Taal-mondelinge komponente verkry het, te verbeter. 'n Brief van die prinsipaal van die inrigting wat die kandidaat help met die verkryging van die SGA, PAT of Taal-mondelinge punt, moet die registrasie aansoekvorm van die kandidaat vergesel. Prinsipale word dus versoek om herhalerkandidate, so ver as moontlik, te ondersteun met die voltooiing van interne assesserings. |
| 6. |
Verantwoordelikheid van prinsipale ten opsigte van voltooiing van punteblaaie
Prinsipale moet verseker dat alle Nasionale Senior Sertifikaat-kandidate in hulle skole met die vereiste SGA, PAT en Taal-mondelinge punte toegeken is. Prinsipale moet die puntelys onderteken nadat dit deur die onderwyser voltooi is, om te verseker dat daar aan die nakomingsvlak ten opsigte van hierdie minuut en die uitstaande punte, voldoen word. |
| 7. |
Verantwoordelikheid van vakadviseurs ten opsigte van die moderering van punteblaaie
Vakadviseurs neem volle verantwoordelikheid vir die modereringsproses van die SGA, PAT en Taal-mondelinge komponente asook om te verseker dat daar voldoen word aan die nakoming van die moderering en voltooiing van punteblaaie en die uitstaande punte. |
| 8. |
Keerdatum
Assesseringskoördineerders moet verseker dat die voltooide punteblaaie die Direktoraat: Eksamenadministrasie teen 31 Oktober 2014 bereik. |
| 9. |
Agterstallige SGA-, PAT- en Taal-mondelinge punte
Prinsipale word versoek om nie kandidate met uitstaande SGA en/of PAT/Taal- mondelinge punte direk na die Departement te verwys na die vrystelling van die uitslae nie. Die korrekte prosedure aangaande agterstallige SGA, PAT en Taal-mondelinge punte is dat die Departement via die kurrikulumadviseur by die betrokke onderwysdistrikskantoor genader moet word.
|
| 10. |
Prinsipale word versoek dat 'n afskrif van hierdie minuut oorhandig word aan graad 12-koördineerders/graadhoofde en opvoeders |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2014:09:30
|
 |